Prezidente timoroan halo vizita
Estadu ida ba Portugal, iha fulan-Jullu, hafoin ne'e sei ba Cabo Verde hodi
partisipa iha simeira ba dala 12 hosi Komunidade hosi Nasaun sira ho Lian
Portugeza, anunsia hosi Prezidénsia iha loron-tersa ne'e.
"Prezidente sei hala'o
viajen dahuluk ba Portugal ba vizita Estadu ida no hafoin ne'e halo viajen ba
Cabo Verde hodi partisipa iha simeira CPLP nian", hatete hosi Francisco
Vasconcelos, xefe hosi Uma Sivil hosi Prezidente timoroan nian, ba Lusa.
Antes ne'e, Francisco Guterres
Lu-Olo sei halo, iha fulan-Juñu nia rohan, viajen ida ba Indonézia, iha nia
vizita dahuluk ba estranjeiru dezde simu pose, iha loron 20 Maiu 2017.
u-Olo sei sai hosi Díli iha loron
10 Jullu ba Portugal, sei hela durante loron tolu, hafoin ne'e ba Cabo Verde
iha loron 14 Jullu, indika.
Prezidénsia Cabo Verde nian iha
ona, semana ne'e, konfirmasaun hosi prezensa sira hosi xefe Estadu sira hosi
nasaun-membru ualu seluk CPLP nian.
Marcelo Rebelo de Sousa, hosi
Portugal, João Lourenço, hosi Angola, Michel Temer, hosi Brazil, José Mário
Vaz, hosi Guiné-Bissau, Teodoro Obiang, hosi Guiné Ekuatorial, Filipe Nyusi, hosi
Mosambike, Evaristo Carvalho, hosi São Tomé & Prínsipe, ho Francisco
Guterres Lu-Olo, hosi Timor-Leste sei simu hosi Prezidente Cabo Verde nian,
Jorge Carlos Fonseca.
Simeira CPLP nian, ne'ebé halo
entre 17 ho 18 Jullu, koinside ho aniversáriu hosi organizasaun ba dala 22 no
sei marka tranzisaun hosi prezidénsia komunidade luzófonu nian hosi Brazil ba
Cabo Verde.
Antes enkontru hosi xefe Estadu
ho Governu sira hosi nasaun luzófonu sira, sei halo reuniaun oioin hosi
konsellu ministru sira, hosi komité konsertasaun permanente nian no hosi pontu
importante sira koperasaun nian.
Ho tema "Kultura, Ema sira,
Oseanu sira", simeira hosi Sal sei iha mós diskusaun polítika sentral sira
kona-ba kestaun sirkulasaun no mobilidade iha luzófonu nia laran.
Lu-Olo sei fila ba kapital
timoroan marka ba loron 18 Jullu.
SAPO TL ho Lusa
Sem comentários:
Enviar um comentário