terça-feira, 24 de abril de 2018

Veteranus Australia Vizita Fatin Istoriku TL


DILI - Veteranus nia ona sira hamutuk sanulu resin rua husi Australia mai vizita TL, tanba atu hatene tuir fatin istoriku sira neebe sira nia aman iha tinan 1942, halo funu hasoru tropas Japones.

“Ami mai vizita TL, tanba ami familia komandu sira neebe mai iha Segundu Guerra Mundial hamutuk ho Timor oan, kontra invazaun Japaun nian. Ami hotu hanesan oan mane no oan feto ba komandu sira neebe mai iha Segundu Guerra Mundial, no ami mai semana ida ho balun hodi haree ain fatin, ka fatin-fatin sira neebe akontese iha TL durante Segundu Guerra Mundial,” dehan Tour Leader, Edward Willis ba jornalista sira hafoin remata vizita ba fatin istoriku sira iha Dili  laran iha Embaixador Australia, Pantai Kelapa, Segunda, (23/04/2018).

Nia afirma liu tan, durante Segundu Guerra Mundial Australia nia oan ladun barak maka mate, maibé mais ou menus 44 maa mate iha rai TL, maibé Timor oan sofre no terus makaas mais ou menus 40 mill pessoas, Timor oan mate durante Segundu Guerra Mundial.

Iha fatin hanesan Julio do Santos, nuudar Guia Turistika ka kompañia Timor Adventures haktuir, objetivu prinsipal neebe kampania Timor Adventures neebe halo parte industria Turizmu, neebe koopera atividade Turistika sira iha Timor, ohin loron sira organiza vizita ida nee ,atu buka tuir fali no hatene tuir fatin istoriku. 

Notisia kompletu lee iha jornal STL edisaun Tersa, (24/04/2018)

Madalena Horta | Suara Timor Lorosae

Sem comentários: