segunda-feira, 15 de janeiro de 2018

Governu monu, Imposivel Entrega Direta Ba AMP

PARTILHAR
DILI – Lakleur tan sei halo debate ba mosaun sensura iha dia 31 Janeieru, tanba nee mosaun pasa governu monu, maibe imposivel atu entrega diretamente oitavu governu ba AMP (Aliansa Maioria Parlamentar).

Kestaun nee hatoo husi Xefe Bankada Fretilin Francisco Branco ba STL Segunda (15/01/2018) iha PN katak, dia 31 atu debate mosaun sensura, atu pasa kalae, haree ba numeru opozisaun  nian, automatikamente pasa, tanba desde inisiu sira dehan maioria no minoria, neebe bainhira debate bele pasa, kuandu mosaun pasa signifika governu monu.

"Bainhira debate mosaun pasa, governu monu, maibe imposivel Prezidente atu fo diretamente ba AMP atu ukun, maibe buat hotu sei liu husi prosesu, I karik momentu neeba desizaun PR nian sai sei termina prosesu sira tuir mai,” katak Branco.

Branco afirma, ajenda nee iha bankada Fretilin konkorda ho ajenda ba no mosaun sensura, neeba tu debate governu sei mai hodi defende ba sira nia pozisaun.

Nunee mos Xefe Bankada PLP Fidelis Magalhaes hatete, bainhira halo debate mosaun sensura, neebe PN ajenda ona ba iha plenaria, too ba depois mak haree. Tanba asuntu sira nee hotu balu dehan ida nee mak loos, ida nian mak sala, maibe buat sira nee hotu tenke lori mai iha plenaria mak deside. 

Guilhermina Franco | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: