Prezidente
Estadus Unidus nian, Donald Trump, ho nia homólogu rusu, Vladimir Putin,
ko'alia ona iha loron-kinta liuhosi telefone kona-ba oinsá "rezolve
situasaun perigozu" ho Koreia-Norte, informa hosi White House.
"Prezidente
na'in rua ko'alia atu serbisu hamutuk hodi rezolve situasaun perigozu tebes iha
Koreia-Norte", haktuir hosi komunikadu ida.
Konversa
telefónika hala'o iha loron hanesan bainhira Prezidente rusu fó konferénsia
imprensa ba final tinan nian, ne'ebé, bainhira hatán kona-ba nia avaliasaun
hosi tinan dahuluk Donald Trump nian iha White House, nia hatete katak haree
ona "konkista balun ne'ebé importante tebes".
Xefe
hosi Kremlina refere, liuliu, ba aumentu hosi merkadu sira tanba
"konfiansa hosi investidor sira iha ekonomia norte-amerikanu, tanba sira
fiar iha asaun hosi Prezidente Trump".
Tanba
ne'e, durante diálogu, "Trump agradese ona ba Putin tanba nia
rekoñesimentu hosi dezempeñu ekonómiku sólidu hosi Estadus Unidus nian".
Iha
konferénsia imprensa, iha Moskovo, Putin hatete mós katak nia dezeja
normalizasaun hosi relasaun sira ho Washington, no destaka ona katak "iha
asuntu barak" ne'ebé maka nasaun rua bele "halibur kbiit sira"
entre sira maka nia haktuir kona-ba luta hasoru terorizmu internasional.
SAPO
TL ho Lusa
Sem comentários:
Enviar um comentário