Kilat Lakon, Laiha Impaktu ba Estabilidade Seguransa

DILI - Komandante jeral Polisia Nasional Timor Leste (PNTL) Komisariu Julio da Costa Hornai fiar katak kilat neebe lakon ho marka AK-33, sei lafo impaktu ba estabilidade seguransa rai laran. Tanba polisia sei buka tuir nafatin kilat refere.

Kestaun nee Komandante jeral PNTL, Komisariu Julio Hornai ba jornalista sira, depois remata enkontru semanal ho Prezidente Republika Fracisco Guterres Lú Olo, iha Palasiu Prezidensial Bairo-Pite, Dili Sesta, (15/12/2017).

“Tuir lei katak sou ema seguransa PNTL no F-FDTL mak bele iha direitu kaer kilat. Maibe husu moos ba komunidade sira atu hetan kilat nee iha imi nia fatin karik informa ba forsa rua nee atu foti fali. Maibe ami moos informa katak kilat neebe lakon sei lafo inpaktu ba estabilidade rai laran,” dehan Komisariu Julio.

Nia dehan enkontru neebe halao ho PR hanesan ajenda semanal babain no atu informa ba Prezidente konaba situasaun enjeral iah teritoriu Timor laran tomak. Situasaun enjeral iha Timor lao diak no hakmatek tanba hetan koloborasaun diak husi parte komunidade sira durante nee.

Konaba kilat lakon parte PNTL mos hetan ona karta despaisu husi Ministru Defeza no
Seguransa Jose Agostino Sequeira Somotxo. Tanba nee husu ba komunidade sira atu hetan kilat nee nia paraderu karik ba lalais informa ba parte seguransa atu asegura lalais. 

Justinho Manuel | Suara Timor Lorosae