DILI,
(TATOLI) - Partidu Kongresu Nasionál Rekonstrusaun Timorese (CNRT), Partidu
Libertasaun Popular (PLP) KHUNTO ohin, Sesta (15/12) ofisiálmente hasa’e
bandeira tolu hamutuk iha sede CNRT, Bairru Grilos.
Iha
serimónia ne’e Vice Prezidente Partidu CNRT, Tomas Cabral esplika serimónia
hasa’e bandeira hosi Aliansa Maioria Parlamentár (AMP) hanesan símbolu atu
hatudu ba Timoroan tomak hodi liu dalan loos atu ukun rai ida ne’e ho dalan
konstitusionál.
“Ohin
Aliansa Maioria Parlamentár (AMP) hasa’e bandeira iha Sede CNRT, aban no
bainrua sei isar bandeira iha munisípiu to’o postu administrativu katak hamutuk
hodi hametin unidade nasionál, respeita no defende konstituisaun RDTL nune’e
bele atinje dezenvolvimentu nasionál 2011 to’o 2030,” Kuartu Vise Prezidente
Partidu CNRT, Thomas Cabral iha nia intervensaun ba serimónia solene isar
bandeira hosi AMP ho bandeira kada partidu polítiku nian iha Sede CNRT, Sesta
(15/12).
Sinál
hasa’e bandeira hamutuk ne’e mós hatudu katak AMP konsistente hodi defende
nafatin interese bloku no interese povu atu bele asegura boa governasaun no
estabelese pás, estabilidade iha rai Timor.
“Ha’u
lori estrutura partidu hosi nasionál to’o munisípiu atu fó parabéns ba deputadu
35 ne’ebé afirma sira nia an iha parlamentu nasionál (PN) hodi mantein sira nia
pozisaun, ami fó konfiansa tomak ba imi hodi defende interese reprezentasaun
povu iha PN) katak nia,” Tomas gaba deputadu AMP.
Iha
fatin hanesan Konselleiru Másimu Partidu KHUNTO, Naimori Bucar afirma liu tan
katak daudaun ne’e AMP sólidu eh forte tebes iha lasu unidade, solidariedade,
iha vontade no empeñu hanesan maun alin ba projetu polítiku komún ida hodi
promove dezenvolvimentu no moris di’ak povu nian hanesan prontidaun atu hasoru
kualkér dezafiu polítika ne’ebé mai hosi planu governu.
Serimónia
isar bandeira ne’e hetan partisipasaun hosi Porta Vóz AMP, Taur Matan Ruak. Iha
biban hanesan, Taur Matan Ruak dehan, AMP disponivel nafatin atu ba forma VIII
Governu enkuantu Prezidente Repúblika, Francisco Guterres “Lu-OLO” foti
desizaun hodi fó ba partidu CNRT ho nia aliadu sira.
“Ha’u
hanesan porta vóz AMP, iha enkontru ikus ne’ebé ha’u halo ho na’i Prezidente
Repúblika, Lu-Olo ha’u hateten, solusaun ba impase polítika iha rua mak
solusaun polítika no solusaun konstitusionál,” Taur Matan Ruak konta tuir
rezultadu enkontru ho Prezidente Lú Olo iha fulan kotuk liu ba iha ámbitu
dialog ne’ebé realiza hosi Prezidente Repúblika rasik.
Nia
dehan bainhira Prezidente entrega ba AMP, Taur garante AMP sei garante
estabilidade governativa inklui Parlamentu Nasionál.
Jornalista:
Zezito Silva | Editór: Manuel Pinto
Sem comentários:
Enviar um comentário