KOVALIMA,
(TATOLI) – Primeiru Ministru, Mari Alkatiri orienta ona ba Ministru
Komérsiu Indústria (MKI) atu intervein merkadu relasiona ho folin foos ne’ebé
kontinua sa’e ‘Haksoit’.
Atu
intervein, Mari Alkatiri husu atu MKI tenke estuda didi’ak hodi nune’e bele iha
mekanizmu ida ne’ebé di’ak bainhira halo intervensaun.
“Hanesan
ministériu kompetente, Ministériu Komérsiu Indústria estuda daudauk mekanizmu
atu intervein no labele fó dalan atu folin foos sa’e ba beibeik no bele hatún
folin foos,” Xefe Governu ne’e informa bainhira akompaña Prezidente Repúblika
(PR) hodi dada lia ho komunidade Suai iha salaun Administrasaun Kovalima foin
lais ne’e.
Alkatiri
rekoñese katak impaktu folin foos sa’e tanba kauza hosi konsekuénsia dinámika
polítika ne’ebé oras ne’e akontese iha Timor-Leste ho ida ne’e mak komersiante
sira aproveita hodi hasa’e sasán nia folin, inklui foos nia folin mós.
“Importadór
balun dehan katak foos sei sufisiente pelumenus to’o tinan ne’e remata no laiha
razaun atu hasa’e folin.” Mari Alkatiri tenik.
Iha
parte seluk Funsionáriu Públiku iha Administrasaun Suai, Francisco Alves ne’ebé
reprezenta komunidade Suai haktuir iha loron 15 Outubru bainhira opozisaun sira
rejeita programa governu iha Parlamentu Nasionál (PN), folin foos iha Suai,
Kovalima komesa sa’e.
Antes
ne’e iha Kovalima foos saku ida fa’an ba $12,50 maibé sura hosi Parlamentu
rejeita programa governu foos nia folin sa’e kedan ba $18 to’o $20, kada saku
ida.
“Mudansa
folin ne’e halo povu pániku tebes. Husu ba nain ulun sira, hodi bele rezolve
problema ne’e imediata tanba povu lakohi terus tan iha rai ukun an ida ne’e,”
Francisco Alves husu.
Jornalista:
Julia Chatarina | Editór: Manuel Pinto
Sem comentários:
Enviar um comentário