quarta-feira, 25 de outubro de 2017

La Iha Dalan OR ho Programa Governu Aprezenta Dala Ida

PARTILHAR
DILI, (TATOLI) – Xefe Bankada Partidu Libertasaun Popular (PLP), Fidelis Magalhães dehan, la iha dalan atu sétimu governu aprezenta Orsamentu Retifikativu (OR) ho programa governu ba tinan lima dala ida ba Parlamentu Nasionál.

“Ha’u hatene iha konstituisaun dehan katak, aprezentasaun programa governu buat ketak no orsamentu retifikativu mós buat ida,” Fidelis Magalhães informa ba jornalista sira iha Parlamentu Nasionál, horisehik.

Fidelis husu atu konfirma konstituisaun bainhira governu hanoin atu aprezenta programa governu nian ba tinan lima ho Orsamentu Retifikativu pakote ida de’it. Basa iha lei, iha artigu ida-idak define kona-ba programa governu no orsamentu retifikativu nune’e la bele kahur sasán.

Iha fatin hanesan, Prezidente Bankada Fretilín, Francisco Branco hatán, razaun ida ba governu aprezenta orsamentu retifikativu ho programa governu nian dala ida tanba nesesidade mak obriga.


Problema ida mak, pasiente hamutuk Nain 20 resin tenke halo tratamentu iha rai li’ur bazeia ba diagnostika Doutór sira nian.

“Ami hetan informasaun katak pasiente 20 resin hetan diagnóstiku médiku no presiza los atu sai hosi Timor-Leste ba rai li’ur hodi halo tratamentu.”

“Bele ka lae? ita husik hela ema moras enkuantu ita la fó atendimentu ba sira kuandu sira presiza hetan transferénsia.” Branco husu.

Nia dehan, polítiku sira bele kaer regra maibé kuandu hasoru ema atu mate ita bele buka dalan ka lae, ita nia umanizmu iha ne’ebé, tanba ne’e mak presiza iha konsensu atu atende preokupasaun hirak ne’e.

Jornalista: Zezito Silva | Editór: Manuel Pinto

Foto: Xefe Bankada Partidu Libertasaun Popular (PLP), Fidelis Magalhães

Notisia relasiona:
PARTILHAR

Author: verified_user

Publicação luso-timorense sem fins lucrativos

0 comentários: