GTNLAI Apoiu Ekipa CEPAD, Husu Liberdade Asesu Informasaun Ba Orgaun 4

DILI - Grupu Traballu Nasional Liberdade Asesu Informasaun (GTNLAI) fo tulun ba Ekipa Centro Estudos ba Paz no Dezenvolvimentu (CEPAD) para husu ba orgaun 4 (Prezidenti da Republika, Governu, Parlamento Nasional, no Tribunal) atu fo importansia ba liberdade asesu informasaun hodi hakbiit governasaun ida neebe inkluzivu, partisipativu, transparante no responsavel.

GTNLAI mai husi grupu oioin, inklui parte governu no sosiedade sivil. Sira hamutuk hodi tulun Ekipa Teknika CEPAD hodi halao programa konaba liberdade asesu informasaun.

“Inisiativa atu realiza programa ida nee, mai husi membrus GTNLAI fo tulun ba Ekipa Teknika CEPAD atu husu ba orgaun 4 para fo importansia ba liberdade asesu informasaun. Finansiamentu apoiu ba programa ida nee mai husi USAID,” hateten Diretor Ezekutivu CEPAD Joao Boavida ba jornalista iha Edifisiu CEPAD, Bidau Akadiruhun, Dili, Tersa (24/10/2017).

Objetivu husi inisiativa ida nee atu hakbit koinesementu sidadaun babain konaba direitu konstitusional. Nee presiza husu ba orgaun 4.

“Konstituisional RDTL asegura ona katak, sidadaun tenke husu ba orgaun 4 nee hodi hatene, se ita lakoi husu, maka saida mak akontese: korupsaun, mal-administrasaun, no abuzu de poder buras ba beibeik,” hateten Joao Boavida.

Liu husi programa nee, CEPAD tur hamutuk ho servidores sira husi nivel munisipiu 13, husi instituisaun governu nian, para fo treinamentu ba sira atu khakbit sira nia koinesementu konaba dever nuudar servidor publiku.

Iha fatin hanesan membru Traballu Nasional LABI Rosario de Araujo hateten, deklarasaun neebe refere, rekomenda ba governantes sira atu hare iha parte liberdade asesu ba informasaun. Nee tau iha lei. I liberdade asesu informasaun nee direitu sidadaun hot-hotu nian.

Tanba nee, durante servisu tinan rua liuba nee, iha hanoin ida katak, ba oin governu ida neebe mai, tenke tau ona hanoin ida katak, sidadaun hot-hotu nia direitu atu asesu ba informasaun. Nee importante duni.

Pelumenus, ba oin, Parlamentu no Governu bele halo dekretu lei ruma konaba liberdade asesu ba informasaun. Nee hanesan nesesidade baziku ida ba sidadaun hotu bele asesu informasaun.

Membru GNTLAI, Joao Correia hateten, sira servisu hamutuk hodi dezamina informasaun ba publiku atu bele hatene klean, liliu iha parte korupsaun ninian. Atu nunee evita sidadaun hot-hotu labele monu ba kazu korupsaun.

“Dala barak ero sira neebe iha, ita hatudu fali liman ba ema seluk maibe la hatene katak ita mos hun ba eiru aat sira hanesan korupsaun tanba nee servisu neebe halo atu evita buat hirak nee”.

Neduni, servisu grupu traballu nasional atu orienta ba luta kontra ero hotu, hanesan iha parte korupsaun no promove governasaun diak. Oinsa mak bele halo, ida nee tenke ba hamutuk ho sidadaun hotu para evita ero sira neebe fo risku ba nasaun nia distinu. 

Estajiadu UNTL 2 & Estajiada UNTL 5