domingo, 15 de outubro de 2017

Fatin Limitadu Vendedor Faan Tuir Dalan

DILI - Vendedores ai-fuan nee leba ai-fuan laotuir estrada hodi faan, tanba fatin permanente laiha atu uza hodi faan, parte seluk mos dalaruma faan iha fatin permanete neebe governu prepara maibe ai-fuan lafolin.

Tuir Joanita Araujo nuudar vendedor dehan, nia faan ai-fuan ho sistema leba laosai para ai-fuan bele folin, tanba durante nee ba nia laiha fatin permante hodi faan.

Hau lakontente uainhira leba ai-fuan lao sai hanesan hodi faan, maibe harak halo para ai-fuan hirak nee bele folin lalais nee duni tenke leba sai duni,”dehan Joana ba STL iha area Kaicoli,Kinta (12/10/2017).

Nia hatutan maske parte ida nia sente triste, uainhira leba sasan lao tun sae foin faan, tanba   dalaruma ema sosa, dalaruma ema barak mak lagosta sosa tanba ai-fuan sira nee loron habai neebe lafresku.


Nunee mos, Luis Moreno dos Santos nuudar vendedores iha Lecidere dehan, nia fotin denzisaun faan sasan ho tipu leba lao tun-sae tanba laiha fatin neebe permanete.  Tanba nee, karik bele governu sujere netik fatin diak ida hodi sira faan produtu hirak neebe leba sai ba faan.

Hau husu ba governu foun ida agora nee karik bele prepara fatin ai-fuan tradisional ba ami hirak neebe seidauk hetan fatin fiksu,”katak Luis.

Tuir nia katak, fatin neebe governu prepara iha Lecidere diak teb-tebes, maibe vendedores balu deit mak hetan balun lahetan fatin inklui nia.

Iha fatin hanesan Manuel da Costa hateten, nia sentelamenta tebes tanba lahetan fatin atu faan ai-fuan tradisional.

Hau lakontente tanba fatin mai hau atu faan hau nia produto laiha nee mak lor-loron hau tenki leba ai-fuan sira nee lao tuir dalan hodi faan,’’dehan Manuel.

Maske nunee katak, Manuel, tanba nesesidade obriga nee duni laiha fatin mos nia faan nafatin. Atu nunee, bele hetan netik osan hodi sustenta nesesidade uma laran.

Estajiadu-3/4 | Suara Timor Lorosae

Sem comentários: