quarta-feira, 20 de setembro de 2017

Prepara Lista Kompleta VII Governu

PARTILHAR
DILI — Hafoin loron rua halao servisu, Setimu Governu Konstitusional halao reuniaun dahuluk, koordenasaun governu, debate lista naran membru governu neebe sei kompleta estrutura governu.

Ohin deskute asuntu konaba estrutura setimu governu neebe iha tempu badak sei kompleta fatin hirak nebe sei mamuk, maibe seidauk bele fo sai bapubliku,” dehan Ministru Prezidensia Konsellu Ministru, Adriano do Nascimento, ba Jornalista sira iha Palasiu Nobre, Lahane Tersa (19/09/2017).

Iha reuniaunKoordenasaun governu nee, tuir Adriano Primeiru Ministru Mari Alkatiri husu ba membru governu sira atu aprezenta programa no orsamentu lori ba Parlamentu Nasional aprova.


Iha fatin hanesan, Ministru Agrikultura i Peskas, Estanislau Aleixo da Silva dehan, ministeriu neebe nia lidera kria ona kondisaun fundamental ida hanaran Sinekuanon, katak sei la fo lisensa peska ba kompania ida sem hare ba nia partidu.

Kriteiru neebe hanaran Sinekuanon, tama ona iha ita nia lei, tanba nee sei la fo arbiru lisensa ba peskas sem hare perfil kompania ida nian sem hare mos ba partidu,” Estanislau informa Timor Leste nia tasi haleu nasaun, hanesan Indonesia, Australia no Nova Guine Papua. Nasaun hirak nee fo sira nia opiniaunkatak presiza tau kriteiru ba kompania neebe atu hetan lisensa peskas nian iha rai laran. Se envolve iha atividade ilegais sei lahetan lisensa, no tenke imediatamente halo lisensa tanba ida nee bazea ba kriteriu sinekuanon,” tenik Estanislau.

Kompania sira neebe hakarak hetan lisensa, sei liu husi halo selesaun, selesaun nee laos Timor maka hare, maibe sei haruka perfil kompania nee ba Indonesia , Australia no Nova Guine Papua. Atu hetan lisensa ba peska nian sei halo proposta, no proposta nee tama entrega ba diresaun tekniku sira halo avaliasaun no halo rekomendasaun, depois fo lisensiamentu. 

Maria Lay/Carme Ximenes | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: