DILI,
(TATOLI) – Xefe Bankada CNRT iha Parlamentu Nasionál, Deputadu Arão Noe
konsidera Prezidente Repúblika (PR), Francisco Guterres Lú Olo viola
konstituisaun Repúblika Demokrátiku Timor-Leste (KRDTL) relasiona desizaun PR
hodi veta lei podér lokál no lei desentrálizaun administrativu.
“Tuir
loloos Prezidente Repúblika, Lu-Olo labele veta lei hirak ne’e tanba lei ne’e
ultra pasa ona tempu durante fulan ida, signifika nia kontra ona
Konstituisaun RDTL iha artigu 88 kona-ba promulgasaun no vetu,” Arão Noe
ba Ajénsia TATOLI iha Parlamentu Nasionál, Sesta (28/9).
Nia
dehan, Lei rua ne’e haruka ba Xefe Estadu, Lu-Olo iha inisiu Agostu maibé horisehik
iha Kuarta, (27/9) mak prezidénsia foin hato’o mai iha Prezidente Parlamentu,
Aniceto Guterres hafoin baixa ba komisaun A atu halo parser. signifika liu ona
semana tolu hosi prazu ne’ebé ko’alia konstituisaun RDTL Artigu 88
(Promulgasaun no Vetu) iha alínea 1) ko’alia kona-ba iha prazu loron tolunulu
nia laran, hahú hosi simu diploma naran ida husi Parlamentu Nasionál atu
promulga hanesan lei, Prezidente-Repúblika bele promulga eh uza direitu
vetu nian, hodi husu apresiasaun foun kona-ba lia-tatoli ne’e ho fundamentu.
Tuir
Arão, razaun Prezidente Repúblika, veta lei hirak ne’e tanba duvida ho buat ida
kontrolu, governu sentrál bele lakon tiha ba administradór sira. Maibé
Prezidente tuir loloos la iha ona dalan atu veta lei tanba sai ona hosi mandatu
konstituisaun nian. Enkuantu veta eh foti desizaun ruma iha relasaun ho
konstitusionalidade data limite ho loron 30.
“Ami
preokupa tebes lei hirak ne’e bainhira Prezidente Veta ho nia impaktu ba
implementasaun programa desentralizasaun labele realiza,” Arão sente
preokupadu.
Lei
podér lokál no lei desentrálizaun administrativa importante tebes ba
Timor-Leste atu hahú ona desentraliza ba podér lokál ho objetivu fundamental
atu lori administrasaun besik ba povu no hamenus burokrasia ne’ebé naruk
durante ne’e.
Sistema
deskonsentrasaun la’o dadaluk, governu sentrál fó ona kompeténsia ba sira hodi
jere osan maibé ita hetan asesu iha portál transparénsia hanesan osan iha
munisípiu sira gasta hira ona, bele kliik iha portál governu hodi asesu
ezekusaun ne’e.
Kontrolu
la’ós tenke ba to’o iha kraik mak haree maibé bele haree iha portál
transparénsia saida de’it mak sira halo.
To’o
notísia ne’e tun parte Tatoli seidauk hetan esplikasaun ruma relasiona ho
preokupasaun deputadu Arão Noe hosi Prezidente da Repúblika.
Jornalista:
Zezito Silva | Editór: Manuel Pinto
Foto
Espesial.
Sem comentários:
Enviar um comentário