quinta-feira, 21 de setembro de 2017

PM Alkatiri: Hare Deit Programa Governu Lori Ba PN Se Maka Vota Kontra

DILI – Primeiru Ministru Mari Alkatiri hateten, bainhira programa VII Governu konstitusional lori ba aprezenta iha Parlamentu Nasional, hare deit se maka vota kontra no vota afavour ba programa nee.

Hare deit programa VII Governu Konstitusional lori ba Parlamentu Nasional, se maka vota kontra no se maka vota afavour ba programa nee,” dehan PM Mari, ba jornalista sira iha Palasiu Prezidente, Aitarak Laran, Dili, Kinta (21/09/2017).

Xefi Governu hateten, Governu halo programa para atu servisu hasai povu husi mukit, kiak no lori dezenvolvimentu ba to iha fatin neebe presiza.

Konaba programa sein dias, Xefi du Governu dehan, Sein dias nee ema sira iha osidente maka gosta hakarak halo, kuandu sira tama ba ukun estrutura, administratsaun tomak prontu hotu ona sira konta loron.

Iha parte ketak membru PN husi bankada Khunto Jose Agostinho hateten, Partidu Khunto hare ba programa, kaundu programa nee ba duni interese povu nian nee Khunto apoia, maibe programa ladiak Khunto sei vota kontra.

Entretantu membru Direitor ONG Gertak Faunstinho Magno, husu ba lideransa partidu sira atu servisu hamutuk, hodi dezenvolve rai nee ba oin, laos atu buka hadau malu kadeira para halo povu kiik sira sofre, dehan Faustinho. 

Carme Ximenes/Maria Lay | Suara Timor Lorosae

Sem comentários: