sexta-feira, 15 de setembro de 2017

PD Nia Ema Nain 3 Sai Ministru

PARTILHAR
DILI – Membru Partidu Demokratiku (PD) nia ema nain 3 sei sai Ministru iha VII Governu Konstitusional, hodi servi povu durante mandatu tinan lima.

Membru nain tolu neebe sai Ministru nee maka hanesan Ministru na Prezidensia de Konsellu Ministru Adriano do Nascimento, Ministru de Komersiu e Industria Antonio da Conceição no Vise Ministra da Edukasaun e Kultura Maria Lurdes Bessa.

Prezidente Partidu Demokratiku Mariano Asanami Sabino hateten, ohin simu tomada de pose nee Adriano do Nascimento, Antonio da Conceição no Maria Lourdes Bessa.

PD mantein esforsu para halo ba Timor ida pronto atu servi ho diak,” dehan Assanami ba Jornalista sira, iha Parlamentu Nasional, Sesta (15/9/2015).

Hatan konaba karik nia rasik mos sei assume kargu iha setimu governu, Assanami hateten nia sei hein ba fase segundu, tanba PD nia prinsipiu maka hakarak servi ba povu, liu husi knar neebe nia sei assume.

“Hau seidauk, hau sei ba segunda fase, ba Timor nee ami sempre pronto atu servi iha neebe, servi halo saida nee serviu hotu kedan, PD nee pronto ba kualker kargu hotu,” dehan Assanami. 

Carme Ximenes-Maria Lay | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: