Abel
Amaral *, opiniaun
Uluk
nia nain hau hanesan estudante ida husi fakuldade direitu, Unversidade da Paz –
UNPAZ hato’o hau nia parabens ba Dr.
Aniceto Gueterres ne’ebé elitu nudar Prezidente Parlementu Nasional iha IV
lejislatura nian. Hanesan estudante universidade da paz liu-liu fakuldade
direitu, dala ida tan hato’o ami nia parabens e laran haksolok tebes tanba ami
nia maun, ami nia aman Dr. Aniceto Guterres iha tinan hirak liuba nia hanesan
ami nia dosente no sai fundador fakuldade direitu iha universidade da paz
ne’ebé hetan ona fiar hodi asumi kargu
Prezidente Parlementu Nasional ba IV lejislatura nian. Ami nudar
estudante nafatin lembra konaba Dr. Aniceto Gutteres nia meritu hanesan
dosente, fundador no dekanu iha fakuldade Direitu.
Husi
Universidade da PAZ liu-liu fakuldade direitu ate agora sei konsidera nafatin
Dr. Aniceto Guterres hanesan dosente maibe off kampus.
Hanesan
sidadaun no hanesan ema akadmiku konserteja iha esperansa boot ba orgaun
soberenia sira hotu liu-liu ba Parmentu Nasional IV lejislatura tanba
Parlementu Nasional hanesan segundu orgaun
soberania tuir konstitusaun RDTL artigu 67 ho nia knar importante tolu
ne’ebé hateten iha Konstitusaaun RDTL artigu 92 hateten Parlementu Nasional
maka orgaun soberaania Republika Timor Leste nian ne’ebé reprezenta ema Timor
oan tomak atu hala’o lei, atu fiskaliza no atu halo desizaun politika. Hau
pesoal kontente tebes bainhira rona SE. Prezidente Parlementu Nasional Dr.Aniceto
Guterres ne’ebé iha nia permeiru deskursu hanesan prezidente Parlementu
Nasional eleitu hateten “Hau promote atu promove dialogu permanente atu
buka entendemenu klean, seim hamate
sentidu kritiku deputadu ida-idak nian”.
Ami hotu iha esperansa katak ami
nia lian atu iha mudansa ba rai no ami nia moris tenke tau iha pratika, ida
ne’e esperansa ida!!
Hanesan
ita hotu akompanha liu-liu hare ba knar lejislatura nian desde inisiu to’o III lejislatura, ita hotu
hare knar Parlementu Nasional lao labalansu tebes tanba tuir konstitusaun RDTL,
sira iha knar principal tolu maibe husi knar tolu ne’e barak liu maka halo
desizaun politika no knar rua seluk bele sura ho liman fuan. Ho Parlementu Nasional IV lejislatura, nia
promote ona atu halo reformasaun iha parlementu nasional nomos atu tur hamutuk
ho guvernu hodi hare oinsa bele iha mudansa ba povu nia moris. Promete atu halo
reformasaun iha parlementu nasional ida ne’e asuntus interstantes nune’e bele
halo revizaun no hadia kualidade funsionamentu Parlementu Nasional nomos hare
ho kuidadu programa guvernu atu nune’e’e implementasaun programa mai ne’e bele
refleta objetivu estadu nian no tenke refleta kondisaun moris ba ema Timor Oan
hotu-hotu.
Aleinde promote atu promove dialogu permanente hodi
buka entendemenu klean, seim hamate sentidu kritiku deputadu ida-idak nian,
Interestante ida mos iha deskursu SE. Prezidente Parlementu Nasional IV
lejislatura hato’o katak tantu Parlementu Nasional inklui guvernu atu hare fila
fali leis sira ne’ebé dadaun ne’e ita iha, atu Parlementu nasional sai hanesan
centru ba debate politiku no debate publiku. Ami hotu apresia ho inisiativa
hirak ne’e espera promesa hirak ne’e la’os deit iha sesaun inagural Parlementu
Nasional IV lejislatura nian maibe liafuan hirak ne’e bele tau iha pratika.
Tanba povu hotu nia esperansa katak Timor Leste to’o ona tempu atu halo mudansa ba povu tomak nia
moris.
Ikus
liu, husu ba Parlementu Nasional IV lejislatura nia atu bele halao knar tomak
liu-liu halo lei no halo fiskalizasaun nian. Iha parte halo lei nian, atu halo lei, Parlementu nasional tenke fo
prioridade liu ba lei ida ne’ebé ninia
benifisiu ba Timor oan tomak. Parte fiskalizasaun ninian, husu ba membru Parlementu Nasional
sira, atu halo fiskalizasaun ida ne’ebé mais kualidade, mais kualidade
signifika fiskalizasaun ne’e tenke hahu husi inisiu planu programa to’o iha
implementasaun programa nomos tenke tun direita ba iha terenu regularmente.
Parabens, Obrigadu e Bem Hajam.
*
Autor: Abel Amaral | Estudante Finalista
husi UNPAZ, fakuldade Direitu, servisu iha Fundasaun Mahein
Email:
maunabut762003@yahoo.com / abelfundasaunmahein@gmail.com
Sem comentários:
Enviar um comentário