quarta-feira, 20 de setembro de 2017

Buka Servisu Diak Labele Involve Trafiku Humanu

PARTILHAR
DILI - Lansamentu relatoriu husiInternasional  Organizarionfor Migration  (IOM), neebe halao peskija durante fulan tolu, identifika ema balu involve iha kazu trafiku humanu, tanba moris hanesan ema kiak, nomos hakarak buka servisu neebe diak hodi bele hetan salariu.

Fatores neebe hatan hodi ema tama iha trafiku humanu, tanba iha moris kiak nia laran. Balu buka servisu ida neebe diak liu, no bainhira ema ruma bosok sira atu hetan servisu neebe ho osan diak. Sira la hatene kondisaun servisu neebe sira ba, dala barak sira sai trafika ba rede trafiku humanu nian,” dehan Program Manejer Kontra Trafiku Humanu Internasional Organizarion for Migration (IOM), Jacinto Amaral ba Jornalista sira iha salaun Ministeriu Justisa, Segunda, (19/09/2017).

Nia sublina, peskija neebe iha sira mos halo intervista ho vitima trafiku humanus nian, no halo mos intervista ho migrante laboral nian husi parte Timor Leste no mos NTT nian.


Nunee parte prevensaun no sosializasaun importante atu bele minimiza,  fo konesementu ba komunidade sira atu hatene katak, trafiku humanu kazu ida neebe mak ho risku aas. Dala ruma ema atu esplora sira nia direitu no oportunidade servisu.

Nia relata, numeru kazu trafiku humanus  iha Timor laran seidauk hatene too nia numeru hira, maibe sei koalia hela deit. Atu halo kolesaun ba dadus neebe lolos nee, seidauk iha sistema ida diak.

Peskija neebe iha presija koneksaun dadus neebe maka sistematika entre instituisaun sira hanesan imigrasaun ministeriu publiku ho parte tribunal, presija kopera hamutuk atu fo dadus neebe hanesan. Nunee ba oin Timor bele iha ona dadus trafiku humanu, no kapasitasaun ba reformador lei sira masimu ona. Numeru kazu nee bele aas, maibe  agora estatestika seidauk iha numeru neebe lolos.

Bazeia ba planu neebe iha, sei halo kolesaun ba dadus balu atu bele haree ba ida nee, no relatoriu neebe aprezenta ona halo peskija durante fulan tolu nia laran.

Nia afirma, peskija nee halo ona iha fulan Fevereiru no Marcu nia laran husi ekipa Internasional Organizarion For Migration IOM, hetan apoiu husi Departement Of Immigration And Border Protection (DIBP),  tanba nee atu haree ba tendensia tren kazu trafiku humanu hakat rai ketan, ka hakat fronteira iha area indonezia NTT nian nomos Timor Leste nian. Rezultadu peskiza nee foin mak halo lansamentu.

Iha fatin hanesan Prezidente Autoridade Municipiu Bobonaro, Jeferino Soare Dos Santos hateten, trafiku humanu neebe mosu, sira mos simu ona relatoriu husi lider komunitario sira. Tanba iha joven barak mak ema halo rekruta lori sira sai, maibe la hatene sira nia paraderu.

Hau mos simu ona relatoriu husi xefi suku ida, liu liu Cowa tanba iha joven barak mak ema rekruta, maibe la hatene tuir sira iha neebe. No fronteira Cowa hakat ba mai minutu deit tama ona iha Atambua, sira la hatene maibe relata mai hau kontinua informa ba parte seguransa atu foti medidas atu haree ema sira nee,” dehan Jeferino.

Hanesan autoridade fronteira sosializa nafatin ba komunidade sira, liu liu sira neebe hela iha fronteira nee, atu atensaun ba iha ema sira, tanba kampu traballu sei menus.  Tanba nee ema mai bosok sira ho salariu neebe diak sira ba, maibe la hatene nia impaktu ikus nee saida.

Alende nee  Officer Program Ajar, Inosencio Xavier relata tan, konseitu trafiku humanu hanesan krime ida, intensaun invidu ida nian atu halo ida nee. Maibe bainhira akontese sei uja kodigu penal Timor Leste hodi akuza ka halo kriminaliza. 

Terezinha De Deus | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: