Branco: PN sei Vota Ho Konsiensia Ba Benefisiu Povu

DILI - Prezidente Bankada Fretilin, Deputadu Francisco Miranda Branco hateten nia fiar katak prgrama ho orsamentu nebe atu lori dezenvolvimentu ba povu nia moris, deputadu sira sei vota tuir konsiensia maka vota afavor, tamba ida nee ba benefisiu povu.

Tuir Deputadu Branco katak, agora dadaun sei iha fiksaun ba kompojisaun meja, grupus parlamentares, sei iha tan rejolusaun ida atu aprova konstituisaun ho komisaun eventual ba altersaun rejimentu internu.

“Ami hanoin katak programa sira nee diak hotu, sei diak deputadu sira tuir konsiensia, ba benefisiu povu nian no estabilidade nasaun nian, ami fiar katak deputadu sira sei tuir sira nia konsiensia sira sei vota afavor, tamba iha tempu besik sei iha aprejentasaun proposta ba orsamentu jeral du estadu, ratifikativu tranjisaun,” dehan Prezidente Bankada Fretilin, Francisco M.Branco ba STL, iha PN Kuarta (20/09/2017).

Francisco Branco konsidera, Konviksaun katak hotu-hotu iha hanoin ida ba interese nasional, interese estadu, nune sei vota afavor ba programa governu ba orsamentu jeral ratifikativu nebe sei aprejenta mai, se orsamentu la passa mos, povu sei fo teste ida tamba sa?

Hatan ba preokupasun publiku nebe kestiona kona ba lideransa Parlamentu nebe lidera husi minoritariu, Branco hateten Nee laos primeira vez, iha parlamentu barak lideransa ba meja parlamentu mai husi minoria parlamentar. 

Maria Lay | Suara Timor Lorosae