Selebrasaun Loron Falintil, David: Esforsu Falintil, Liberta Povu-Nasaun

DILI - Esforsu tomak mai husi Falintil sira, hodi liberta povu no nasaun, tanba nee Timor oan sira tenke banati tuir saida mak Falentil sira halo ona ba rai ida nee.

Deputadu husi komisaun B, David Dias hatete, husu ba ema hotu atu haree tuir ezemplu neebe mak Falentil sira halo, hodi hadomi povu no rai ida nee, tanba sira nia sakrifika aan ba rai ida nee.

“Haree ba Falentil sira nian hakarak liberta povu no rai, tanba nee Timor oan sira hotu agora tenke banati tuir saida mak ita nia Falentil sira halo. Neebe loron Falentil nian nee hau fo onra no Gloria ba heroi sira hotu,” katak deputadu David ba STL Sesta (18/08/2017) iha Parlamentu Nasional.

Deputadu nee informa, haree ba loron Falentil nee, tanba forsa neebe depois integra iha Falentil nee forsa efetiva Timor oan  sira iha  Armada Portugues,  momentu neeba komandu husi Rogerio Tiago Lobato. Iha momentu neeba sira mosu tanba malae mutin sira laatua Golpe. Nee mak Timor oan sira iha inisiativa hamriik hodi kontra Golpe.

Iha parte seluk, Deputada husi Bankada CNRT Brigida Coreia hatete, haree ba dia 20 agora selebrasaun loron Falentil ida nee importante. Durante nee haree progresu husi Falentil transforma ba FDTL, ida nee hatudu ona katak ohin loron moris hakmatek, tanba nee tenke valoriza, maibe tenke kontribuisaun mos husi povu, atu nunee nasaun bele hakmatek. 

Guilhermina Franco / Jacinta Sequeira | Suara Timor Lorosae