DILI
- Timor oan mak sai rasik juis, hodi tesi lia iha tribunal, tenke promove
sira agora, iha nivel estudu universitariu.
Tuir
Finalista UNTL Marcos de Jesus katak, Timor oan rasik atu sai juis,
universidade neebe ejiste fakuldade direitu, tenke promove no produz estudante
ho kualidade.
“Ita
nia universidade barak ejiste ona, sira mos estabelese fakuldade de direitu,
atu prepara estudante sira ba iha futuru. Agora kedan hau hanoin promove kedan
estudante sira, atu iha futuru sira bele remata no bele servisu iha area
justisa nian, liu liu bele sai hanesan juis advogadu maibe produs ho
kualidade,” hateten Marcos ba STL iha Kampus Kaikoli Segunda, (14/08/2017).
Salienta
tan, liu husi rekursu humanus neebe universidade sira produs, bele aloka ba iha
area justisa, atu bele hamenus juis internasional neebe mai iha Timor. Maibe
depende mos, ba kapasidade no regras husi justisa nian.
Iha
fatin hanesan Akademika Maria Albertina Soares hateten, estudante neebe iha
kapasidade diak bele sai juis. Maibe depende ba ema ida idak nia an.
Nunee
husu nafatin juis sira, atu halao servisu ho imparsial, atu garante lia loos
neebe iha. No prosesa nafatin kazu krime balu, neebe envolve husi ulun boot
balu, atu lao ba oin tanba povu hein hela solusaun.
Terezinha
De Deus | Suara Timor Lorosae
Sem comentários:
Enviar um comentário