Programa VII Governu Halo TL Ida Buras Liu

DILI - Programa VII Governu maka moto Fretilin nian neebe hato iha kampania katak, ba Timor Leste ida buras liu, neebe konsagra iha 6H.

Programa 6H nee maka henesan, Hametin, Hadia, Haburas, Habelar, Hari no Hamos, programa ida nee maka sei implementa iha VII Governu Kontitusional mai.

Sekertariu Jeral Partidu Fretilin Mari Alkatiri hateten, Formatu VII Governu Kontitusional maka Governu grande inkluzaun neebe inklui ema hotu hotu, ho nia programa halo Timor Leste ida buras liu.

“Formatu Governasaun nee maka Grande inkluzaun, neebe inklui ema hotu hotu, ho nia programa halo Timor Leste ida buras liu ba ema hotu,” dehan Sekjer partidu Fretilin Mari, ba jornalista sira iha, Hotel Novu Turismu, Sesta (18/08/2017).

Iha parte ketak membru PN husi bankada Fretilin Francisco Miranda Branco hateten, Fretilin nia komprimisiu ba kaer ukun maka, atu liberta povu husi mukit no kiak, tanba nee dezenvolvimentu nasional neebe maka Fretilin hakarak maka 6H, dehan deputadu Branco.

Nunee mos Direitor ONG Gertak Fautinho Magno hateten, Ho program 6H, neebe maka VII Governu Kontitusional implementa, bele fo benefisiu ba povu sira iha rai laran. 

Carme Ximenes | Suara Timor Lorosae