DILI
- Iha koperasaun memorandu husi prijaun no Ministeriu Justisa no
Sekretariu Estadu par Politika Formasaun I Empregu (SEPFOPE), halo koperasaun
ho prijoneru atu halo servisu produtivu iha liur.
Agora
12 pessoas servisu hela iha Gleno, halo postu tranjitu ba PNTL sira lao hela,
no progresu projetu nee, tuir informasaun nee iha ona 85%. Nee ita nia
prijoneru sira mak servisu, no hetan autorizasaun husi Tribunal Distrital
Dili,” hateten Diretor Nasional Servisus Prijonais E De Reinsercao Social
Helder Cosme Marcal Belo, ba Jornalista sira iha nia knar fatin Kaikoli Kuarta,
(17/08/2017).
Nia
salienta tan, prijoneru sira neebe halo servisu, sai husi prijaun ba halo
servisu no sira tama fila fali. Nee sai hanesan istoria ida ba prijaun,
importante prijoneru sira mos halo asaun konkretu, halo ona postu tranjitu PNTL
nian.
Nunee
prijoneru nain hira, neebe hetan lisensa atu halo projetu nee, sira neebe mai
ho atetude neebe diak, no prense ona 1 terso. Nee sai mos hanesan preparasaun
ida, atu ba iha reintegrasaun sosial, no sira mos kontribui ba dezenvolvimentu
nasional hodi ajuda hadia fatin ba PNTL halao servisu ho diak.
Iha
fatin seluk, finalista UNTL Vicente Magno hateten, prijaun laos hanesan fatin
atu kastigu ema, maibe atu transforma ema sai ema neebe diak liu tan.
Terezinha
De Deus | Suara Timor Lorosae | Foto iha Jornal Independente
Sem comentários:
Enviar um comentário