domingo, 20 de agosto de 2017

MCIA Tenke Kontrola Negosiante Ambulante

DILI – Reprezentante povu iha uma fukun Parlamentu Nasional (PN) husu ba Governu, liu-liu Ministeriu Comersiu Industria e Ambiente (MCIA), atu kontrola negosiante sira neebe sei kontinua halo atividade iha dalan ibun.

Tuir Deputadu Domingos de Carvalho katak, governu dehan atu muda sai hotu negosiante sira nebe maka seo halo atividade negosio iha dalan ibun sira nee, maibe realidade ema sei kontinua nakonu iha dalan ibun, tanba implementasaun planu nee rasik la lao diak iha baze.

“MCIA dehan halo ona esforsu atu muda sai hotu negosiante sira sei namkari iha dalan ibun sira nee, maibe ita hare realidade sei akontese hela iha tempu loraik nee rame los iha estrada ibun halo transporte sira lao ba mai mos atu ladiak hotu, tan nee husu MCIA atu hare,” dehan Deputada nee ba STL (18/08/2017) iha nia knar fatin PN.

Nia mos informa liu tan katak, governu tenke tau negosiante sira nee iha fatin ida, atu nunee sira labele okupa tan dalan protukolu hodi halo negosiu, maibe hare ba esforsu governu nian nee hanesan pemanasan deit no ikus mai nonok tiha fali, no negosiante sira okupa fila fali dalan refere hodi halo negosio.

Iha fatin hanesan Deputadu Paulino Monteiro hatutan, negosiante sira maka lakohi atu ba iha fatin neebe governu kria hela tiha ona, tanba sira nia hakarak atu halo negosiu naklekar iha dalan ibun sira nee atu nunee komprador sira bele sosa sira nia sasan. 

Madalena Horta | Suara Timor Lorosae

Sem comentários: