DILI
- Selebrasaun aniversariu Falintil ba dala 42, neebe monu iha loron 20 Agusto,
espera loron nee sei lori profisionalizmu liu tan ba F-FDTL sira, no hetan
konfiansa diak husi povu.
Informa
Deputadu PD Adriano do Nacimento hatete, loron 21 agora seleberasaun
aniversariu, tanba nee depois de 20 anus F-FDTL sira iha mudansa, emtermus de
profisionalizmu, iha mudansa iha rekursu umanus, no mos iha regulamentu de
baze, lori guia Falintil, FDTL lori sai servidor estadu no sai lutu
estadu ida diak liu tan.
Hau
espera katak ho aniversariu iha dia 20 Agusto nee komandu sei iha komitmentu
liu tan ba profisionalizmu ba forsa sira nia servisu no komitementu liu ba
disiplina rigorozu, atu sira bele sai forsa neebe hetan fiar diak husi
komunidade Timor-Leste no komunidade internasional,” katak Deputadu Nacimento
ba STL Kuarta (16/08/2017) iha Parlamentu Nasional.
Haree
ba durante nee publiku kestiona atitude forsa balu halo agresaun fiziku hasoru
komunidade balu deputadu nee hatete, Presiza transformasaun mentalidade, maibe
presiza tempu, oras nee sira hatudu ona attitude diak no hetan fiar komunidade
nudar forsa neebe profisional iha atusaun.
Nunee
mos Deputadu Joao Adriano husi Komisaun B hatete, haree ba loron Falintil nian
neebe sei selebra iha loron 20 de Agusto ida nee, loron importante.
Entre
tantu ajenda neebe jornalista rekolla husi Protokulu F-FDTL mak hanesan,
serimonia aniversariu nee sei halao iha Kuartel Jeral Falintil Forsa Defeza
Timor-Leste (F-FDTL) Fatuhada Dili. Serimonia nee formatura husi komponente 4
hanesan Estandarte Nasional, Estandarte Falintil, Komandante Parada Komponente
Terestre, Komponente Forsa Lijeira Naval, Komponente Formasaun i Terenu,
Komponente Apoiu i Servisu, Unidade Polisia Maritima, Banda Mizika husi F-FDTL.
Guilhermina
Franco / Luciana Ximenes | Suara Timor Lorosae
Sem comentários:
Enviar um comentário