KOSS Kontra Lelaun Kareta Parado, Presiza Hare ba Gastu

DILI — Rede Koligasaun Organizasaun Sosiedade Sivil (KOSS) kestiona konaba eis deputadus sira neebe lelaun kareta parado. Pozisaun lakonkorda mos konaba ba sistema mekanizmu nebe lalos.

Lia fuan hirak nee hatoo husi Diretor Ezekutivu Manuel Monteiro Fernandes ba STL iha Farol Dili Sesta, (18/8/2017). Nia dehan sosiedade sivil nebe involve an iha rede ida nee maka hanesan HAK, AJAR, Lao Hamutuk no seluk tan. Rede ida nee mos foin lais nee hato ona sira nia lian liu husi media bupliku konaba kestaun lelaun kareta prado.

“Kareta nebe PN nia tenki trata hanesan mos patrimoniu estadu nian. Tenki ba tiha lai patrimoniu estadu ba heneba depois halo revista ba kareta nia kondisaun depois maka iha kareta hira makafaan nia presu hanesan nee no hira maka presu hanesan nee. Tuir kareta nia kondisaun husi nee maka ba PN hasai rejulusaun ida hodi legalija katak prosesu lelaun nian nee hahu ona,” nia dehan.

Tuir lolos kareta prado neebe deputadu PN sira uja durante tinan lima tenki konsidera nafatin hanesan parimoniu estadu. Nunee mos parte governu halo revista ba kareta sira nia kondisaun sira nee katak hira maka nia folin karun hira maka tenki faan ho folin baratu tuir kareta nia kondisaun.

Adjuntu Diretor Ezikutivu Komite 12 de Novembru Rogerio Castro da Cruz hato nia sujistaun deit ba governu tenki tuir lei artigu 41 ou 42 neebe maka iha ona. Iha lei ne dehan kareta prado kuandu uja ona tinan lima ona tenki halo lelaun ona tuir interese nee lei maka haruka. Maibe governu mos tenki hare mos ba orsamentu neebe maka gastu.  

Justinho Manuel | Suara Timor Lorosae