THETIMOR-NEWS.com,
DILI – Governu liu husi Konseillu Ministru (KM) Tersa (11/07/2017) Nomeia
ona Rosario Maia, Sai hanesan Prezidente Konsellu Diretivu TATOLI-Agensia
Notisiosa Timor – Leste, hodi lidera Instituisaun ne’e durante tinan hat (4).
Rezolusaun
Proposta Nomeasaun, hatama husi Sekretariu Estadu Komunikasaun Sosial (SEKOMS)
Nelio Isaac Sarmento ho kandidatu uniku no hetan apresiasaun masimu husi
Konsellu Ministru tanba ho esperiensia ne’ebe mak nia iha no seluk tan.
Maske
Rosario Maia nomeia ona husi Governu sai hanesan Prezidente Konsellu Diretivu
TATOLI, agora daudaun sei assume hela knar hanesan espesialista Media iha
Embaixada Estadus Unidos Amerika (EUA) iha Timor – Leste.
Maibe
Rosario sei zere nia funsaun iha TATOLI hanesan Prezidente iha Janeiru 2018.
Iha
fatin hanesan Rosario Maia hatete, sente orgullu no fo agradese ba SEKOMS Nelio
Isaac Sarmento tanba fo ona konfiansa ba nia atu halao knar ne’e durante tinan
hat (4) maske servisu ne’e todan ba nia nudar Timoroan pronto simu.
‘‘Hau
hakarak agradese ba ita nia Governu liu-liu sekretariu estadu Nelio Isaac
Sarmento ne’ebe fo ona fiar mai hau atu asumi knar ida ne’e, knar ne’e ba hau
laos Privileiju Pessoal, maibe nudar Timoroan tenke simu hodi kontribui tuir
saida mak ita bele,’’ dehan Rosario Maia ba THETIMOR-NEWS, Tersa
(11/07/2017).
Nia
dehan, bainhira assume ona knar ne’e, sei dezenvolve Notisia Estadu Timor –
Leste nian atu ofrese informasaun ba ema hotu.
Tanba
hetan konfiansa husi Governu, Rosario Promete sei husik nia servisu iha
Embaixada EUA iha Dezembru agora.
By:
Hortencio SANCHES | Editóra: Agida DOS SANTOS I COPYRIGHT@2017
Foto:
Rosario Maia (no 2 hosi liman karuk) wainhira foto hamutuk ho jornalista
Timoroan sira iha Embaixada EUA iha Pantai Kelapa Dili. Photo: Facebook Rosario
Maia
Sem comentários:
Enviar um comentário