quinta-feira, 27 de julho de 2017

Sulan Ona Prijaun, Cansio Husik Nia Familia

PARTILHAR
DILI - kumpri desijaun husi tribunal, eis ministru edukasaun Jaoa Cansio Freitas tenke husik hela nia fen no oan sira, atu ba hela iha prijaun Becora. Tuir desizaun husi tribunal nian, iha prijaun durante tinan 4 fulan 6, no selu indimizasaun US $ 1. 410.000.00, ba estadu.

Kondenadu nee komete krime administrasaun danoza neebe previstu iha 274. N.S. 1. e. 2. kodigu penal. No absolve kondenadu husi krime partisipasaun ekonomia, iha negosiu neebe previstu iha artigo 299 kodigu penal.

Faktus husi Ministeriu Publiku nian, provadu hotu, kondenado partisipa direita porjeitu TV nee, la liu husi diresaun aprovizionamentu, ministeriu finansa no ministeriu edukasaun, neebe sai hanesan nain ba projeitu nee.

Iha projeitu nee, la foo oportunidade ba kompana seluk hodi kobre iha projeitu nee, no kondenadu fo deita ba kompana Lararkia hodi kaer projeitu nee. No too ikus la fo rezultadu ba estudante sira atu hare TV edukasaun neebe ME planu tiha ona.


Desizaun tribunal rekursu fo oportunidade loron 15 atu kondenadu hatama rekursu extraordinaria. No liu husi loron nee, mak tribunal konsidera tranjitu injulgadu, ka desijaun final.

Nunee ho desijaun neebe tribunal hasai, iha loron Tersa 26 fulan julho 2017, iha tuku 9:21 dader, kareta ho marka Jeep/Ferrari A. 14. 263 too iha fatin, kondenadu nia uma, iha Fomento hodi lori ba pri, maibe liu husi komandu PNTL munisipiu Dili. No lori too iha municipiu dili iha tuku 9:41 dader, no akompanha husi kareta no matrikula 05.850 G.

Nunee husi municipiu dili kareta Jeep/ Ferrari neebe tula kondenadu, tranforma fali ba kareta ho numeru 02. 922 G, mak tula kondenadu ba too iha prijaun Becora, iha tuku 10. 25 dader.  Kondenadu nee, hatais faru mutin, kalsa metan, no lori ropa pasta rua. Too iha neeba simu kedan husi seguransa prijaun nian, hodi lori tama ba iha prijaun laran.

Iha fatin neeba Director Prijaun Becora Jaoa Domingos hateten Jaoa Cansio tama ona iha prijaun Becora. Nunee labele iha tan polemika iha rai liur.

Hateten katak senhor Jaoa Cansio tama ona, para labele iha tan polemika iha rai liur. Iha nee prijaun tanba nee, hau labele dehan nia tama iha sela ida nee, no sela ida neeba, tanba aspetu de seguransa,” esplika Jaoa.

Iha fatin seluk, Jurista Manuel Tilman hateten, ex ministru edukasaun nee, kal terus boot, hodi hein tama ba iha kadeia, maske iha rekursu extraordinaria. Terezinha De Deus/Lusia Ximenes

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: