Professores Pre-Eskolar Too Ensinu Superior Tenke Hatene Portugues

DILI – Ministeriu Edukasaun (ME), husu ba professor sira hahu husi pre-eskolar too ensinu superior tenke hatene koalia lian portugues, atu nunee bele hanorin estudante uza lian refere.

Tuir II vise Ministru Edukasaun Abel Ximenes katak, professor sira neebe mak hatene koalia lian portugues, hanorin estudantes ho lian portugues, tanba nee iha alternativa diak ida.

“Ita presiza professor sira neebe mak hatene koalia lian portugues, para hanorin estudantes ho lian portugues, tanba nee, ami haree universidade aberta Portugal ninia, hanesan iha alternativa diak ida, neebe ita bele hela nafatin iha Timor servisu nafatin, no hamutuk ho familia, lalika gasta osan barak, ba eskrebe iha universidade aberta, iha tempu badak, tinan rua ou tinan resin bele akabamastradu,” dehan vise ME Abel ba jornalista iha edifisiu ME Vila-Verde Dili, Kuarta (19/07/2017).

Abel salienta, professor tenke hatene portugues, tanba koalia professor nee, professor pre eskolar, ensinu baziku, sekundariu, inklui mos professor iha ensinu superior, hotu-hotu tenke hatene lian portugues.

Nunee mos Pe. Urbanus Bunga Lolon, SVD, hanesan Reitor Institute Siensia Relizioja (ICR), hatete, konaba lian portugues, governu liu husi ME, durante nee sempre fasilita dosente sira, hodi bele tuir formasaun konaba lian portugues. Jacinta Sequeira

Suara Timor Lorosae