DILI,
(TATOLI) – Sekretáriu Jerál Partidu Frente Revolusionariu Timor-Leste
Independente (FRETILIN), Marí Alkatiri hateten FRETILIN sei fó apoiu tomak ba
partidu ida ne’ebé maka sei eleitu iha eleisaun parlamentár.
Marí
hato’o kestaun ne’e ba jornalista sira iha Ensinu Primária Farol, Dili, sábadu
dadér ne’e, hafoin ezerse ninia direitu votu.
Nia
dehan maske partidu ket-ketak maibé Nasaun presiza timoroan sira nia
partisipasaun iha Governu atu bele halo Timor sai país ida buras liu.
Eis
Primeiru Ministru ne’e hatutan FRETILIN sei la ukun mesak bainhira manán iha
eleisaun, maibé buka harii grande inkluzaun ho ema hotu-hotu inklui Kay Rala
Xanana Gusmão hosi partidu Kongresu Nasionál Rekonstrusaun Timor (CNRT-sigla
portugés).
Fundadór
ida nasaun ne’e hato’o parabéns ba líder partidu polítiku tomak nomós
povu tanba hala’o prosesu demokrasia ne’e ho pasífiku tebes.
“Nasaun
atus resin maka adota demokrasia maibé lahanesan ita nian ne’e. Ita nia
demokrasia la’o di’ak tebes no respeita malu”, Marí esklarese.
Jornalista:
Xisto Freitas | Editora: Rita Almeida
Foto:
Marí Alkatiri halo intervista ho jornalista sira iha Ensinu Primária Farol,
Dili, sábadu dadér ne'e, hafoin ezerse ninia direitu votu. Foto Tatoli/Xisto
Freitas
Sem comentários:
Enviar um comentário