Deskonfia Tinta Elpar Fatin Balu Laiha Kualidade

DILI - Deskonfia tinta ba Eleisaun Parlamentar (Elpar) nian neebe tau iha eleitores sira nia liman hafoin halao votasaun, iha fatin balu laiha kualidade, tanba eleitores sira balu vota tiha fila uma fase ho bee deit tinta nee sai mos tiha, ida nee bele iha manipulasaun ruma.

Tuir Leitores  Teodosio de Rosa Alves  husi suku Bairu-Pite, Aldeia  Moris ba Dame hatete, hanesan sidadaun Timor-Leste  partisipa iha eventu demokrasia ida nee, maibe  sente  ladun diak tanba haree ba kualidade tinta ba eleisaun nee nian, ida nee deskonfia laiha kualidade tanba tinta nee fase  no kose ba parede deit mos sai mos tiha.

“Hau rona informasaun katak tinta nee lori bee fase deit mos tiha, neebe hau mos depois de vota sai mai kleur tiha, hau koko atu hamoos maibe tinta nee mos duni, ida nee ema balu bele halo manipulasaun,” katak Teodosio ba STL iha sentru votasaun Suku Bairu Pite eskola Hans Klemm.

Nia hatete, haree ba tinta hanesan nee ema bele halo vota dalarua, maibe ba nia pesoalmente sei lahalo vota dala rua , tanba nia hatene katak nudar sidadaun Timor oan  iha nasionalizmu labele vota dalarua.

Iha fatin hanesan Komunidade Anacleto de Jesus husi Suku Bairu Pite husi Aldeia Avansa hatete. hanesan sidadaun nia lahatene servisu cne ho stae nian halo nusa, tanba  haree ba tinta elpar nian nee ladun kualidade, ida nee bele halo ema selu fo votus dalarua ba partidu ida.

Entretantu Prezidente Partidu Demokratiku (PD) Mariano Asanami Sabino hatete, haree ba kualidade tinta ida nee problema iha ema lubuk ida mak ba vota tau tiha tinta depois fila fase tinta nee sai tiha. Guilhermina Franco

Suara Timor Lorosae