segunda-feira, 31 de julho de 2017

Forma Governu Inklusaun Tenke Iha Konsesus

DILI – Sosiadade sivil konsidera ho modelu formasaun governu inkluzaun neebe maka forma sei forma husi partidu vensedor iha eleisaun legislative Fretilin ida nee diak, maibe tenke liu husi konsensus ida entre partidu sira hotu, hodi iha ideolojia neebe maka hanesan se lae governasaun nee sei monu iha mandatu klaran.

Lia hirak nee hatoo husi Direktor exekutiva Asosiasaun HAK Manuel Monteiro ba Jornalista ba STL iha nian knar fatin Asosiasaun HAK Farol, Segunda (31/7/2017).

ita labele dehan governsaun inklusaun maibe patidu ida mai nian programa diferente no idolojia diferente nee bele fo implikasaun ba dezemvolvolmentu bele no governsaun nee  bele dada malu hanesan dada boreisa  kuandu ida nee maka akontese povu ida nee sai vitima no bele la garamtia ba formasaun governu governu bele  monu iha dalan klaran,” dehan nia.

FRETILIN–CNRT Koliga Asegura OJE

DILI - Akademika iha rai laran fo sira ninia opiniaun katak, bainhira partidu FRETILIN ho CNRT halo koligasaun, maka sei asegura estabilidade politika no Orsamentu Jeral Estadu.

Tuir Akademika Universidade UNDIL Francisco Mausoro hateten, Iha tinan 2012 iha partidu haat deit maka hetan asentu Parlamentar, maibe tinan ida nee iha partidu lima, agora hare ba koligasaun bele ka lae, posibilidade hotu hotu iha, tanba permeiru partidu mais votadu FRETILIN manan ho maioria simples, karik nee ba forma Governu sira sei ba ho Governu minoria Parlamenta.

FRETILIN manan ho maioria simples, karik nee ba for a Governu sira sei ba ho Governu minoria Parlamentu, entaun Governu minoria obriga partidu manan nain atu buka koliga, ida neebe maka diak teb tebes ba estabilidade maka koligasaun entre partidu FRETILIN ho CNRT ita hare iha purvolta 45 kadeira, ida nee asegura teb tebes Orsamentu Jeral Estadu,” Dehan Francisco ba STL, iha PN, Dili, Segunda (31/07/2017).

Deolindo, TR Seidauk Simu Rekursu CNRT, Fretilin, PLP, Khunto Lahalo Rekursu

DILI – Prezidente Tribunal Rekursu, Deolindo dos Santos tuir lei prazu ba partidu politiku (Parpol) liliu parpol 5 hanesan Fretelin, CNRT, PLP, PD no Khunto neebe mak liu ona bareira seidauk hatama rekursu ba Tribunal Rekursu ho prazu 48 horas nia laran.

“Partidu CNRT, inklui ho partidu 4 seluk atu agora hateten katak ohin (red-Sabado), tuir lei estabelese 48 horas katak parpol sira hatama rekursu ba CNE tuir Prezidente CNE no TR rasik mos seidauk simu rekursu ruma,” dehan Deolindo ba jornalista sira, iha edifisiu Tribunal Rekursu, hafoin CNE entrega akta apuramentu nasional ba Tribunal Rekursu, Caicoli, Sabado (29/07/2017).

Nia hatutan, ohin (red-Sabado) mai hatama rejultadu apuramentu nasional no CNE mos aprezenta ba Tribunal, katak la iha partidu ida neebe mak hatama rekursu ka halo kontestamentu ba apuramentu nasional iha sede CNE.

SBY, TL-RI Sai Ezemplu ba Mundu

DILI – Eis Prezidenti Indonesia Susilo Bambang Yudhoyono (SBY) deklara relasaun Timor-Leste no Indonesia hanesan ezemplu ba mundu, tamba nasaun rua nee bele ultrapasa iha tempu konflitu no nakfila sai amigo neebe diak.

Deklarasaun nee SBY hatoo ba jornalista sira wainhira partisipa iha meza redonda klubu Madrid neebe inisia husi Timor – Leste no hetan partisipasaun husi eis prezidenti, eis Primeiru ministru, akademika (Expert), peskijador, husi Asia no Ocenia durante loron rua neebe halao iha salaun inkontru MNEK Pantai Kelapa Dili, Segunda (31/07/2017).

Indonesia no Timor-leste sai ezemplu ba mundu tamba relasaun bilateral neebe diak tebes durante nee,” dehan SBY.

domingo, 30 de julho de 2017

Pe. Juvito: Fo Oportunidade Ba FRETILIN Ukun

DILI – Padre Vigariu Evanjelizasaun Dioseze Dili, Pe. Juvito do Rego hateten, direitu fundamental tenke ida manan maioria simples maka forma Governu, tanba nee fo oportunidade ba FRETILIN ukun hodi servi povu iha Nasaun ida nee.

Nia dehan servi povu katak, sai hanesan finalidade partidu hotu hotu, tanba nee atu maioria grande inkluzaun fali ga, koligasaun fali ga, AMP fali ka, ida nee hotu hotu presiza respeita povu nia direitu.

Hau dehan direitu fundamental nee tenke ida manan maioria simples nee fo nia (Red.Partidu FRETILIN), nia hakarak  forma Governu ka lae, tanba  partidu sira neebe  menus votadu presiza iha sentidu du estadu atu kolabora ho partidu neebe manan maioria simples hodi forma Governu para servi povu,” dehan Pe. Juvito ba STL, iha Edefisiu STL Park Suriskmas, Dili, Sabdu (29/07/2017).

Pe. Juvito hateten, Povu nee lasosa ho osan, izemplu mak hare 1999, Indonesia fo osan ba povu atu hili integrasaun, maibe povu lahili otonomi, neebe povu nee matenek ona.

Iha parte ketak Vise Adjuntu Sekertariu Jeral Partidu FRETILIN Flavio Noronha hateten, FRETILIN hanesan partidu vensidor iha eleisaun ida nee, sei hetan konvite husi Prezidente Republika atu hare posibilidade forma Governu. Carme Ximenes

Suara Timor Lorosae

Telefone, Telivizaun, Internet Estraga Familia

DILI – Oras nee Igreza katolika Timor Leste, liu-liu Dioseze Dili ba asuntu pastoral preokupa tebes ba importansia familia Timor Leste, tamba valor familia nia komesa mihis ba dadaun ona.

Vigariu Episkopal Dioseze Dili asuntu pastoral, Pe. Juvito do Rego katak husu ba familia hotu iha Timor Leste liliu iha dioseze Dili atu proteze vida familia husi lasu oi-oin neebe mak komesa sobu dadaun destinu nia familia laran.

Iha bainaka tolu neebe tama no sobu familia sira labele sai masin no naroman mundu ninian mak buat tolu mak telivizaun, telefone no internet tamba kuandu ema ida tama iha neeba ho mensajen ka inbox ba malu O diak ka lae, o halo saida, o iha neebe, hau iha kuartu laran, hau toba, la kelur deit buat oi-oin mak mosu,” dehan Pe. Juvito do Rego, uainhira fo refleksaun ba staff STL, iha Osindio Surik Mas, Sabado (29/07/2017).

Nia hatutan, kuandu buat hirak nee mosu no lakon kontrola masin no naroman mundu nian mos hotu ona, naroman ahi mate maibe masin mak meer fali.

Iha fatin hanesan, tuir formador Aderito Ruben katak iha tinan 2017 nuudar tinan Biblia nian atu husu ba sarani ida-idak presiza lee no medita Maromak nia liafuan, atu reflete Maromak nia liafuan ba iha hahalok no hanoin hodi bele adia vida moral husi ema ida-idak nian hodi kontribui ba destinu nasaun no igreza. Domingos Piedade/Joao Fatima

Suara Timor Lorosae

Despaxante Utiliza Ona Sistema Asycuda Mundiál

DILI, (TATOLI) – Diretór Jerál Alfándega, Ministériu Finansa, José António Fátima Abilio informa Sitema Aycuda World (mundiál) ne’ebé Alfándega implementa la’o ona tanba  despaxante hamutuk 32 no shipping agency hotu-hotu haruka ona sira-nia manifestu bill of lading, packing list no invoice liuhusi sistema eletrónika ida ne’e.

Antes ne’e Alfándega uza sistema Asycuda ++ ne’ebé implementa dezde tinan 2003 maibé depois implementa tiha projetu pilotu Asycuda World iha tinan 2013, oras ne’e despaxante no ajénsia sira utiliza ona sistema ne’e hodi haruka sira-nia manifestu nune’e fasilita servisu ho la’o lalalis liu.

Despaxante ne’ebé rejistadu iha Diresaun Jerál Alfándega dezde tinan 2000 to’o 2017 hamutuk 32 ne’e, antes atu utiliza sistema ne’e, Alfándega iha nia kritéria rasik katak fó formasaun depois sujeita ba teste ho baze méritu  no kuandu valór lato’o sei lapasa.

Loron 1 Outubru Autoridade Aduaneira Tama Iha Vigór

DILI, (TATOLI) – Diretór Jerál Alfándega, Ministériu Finansa, José António Fátima Abílio hatete Autoridade Aduaneira iha ona lei orgánika foun ne’ebé promulga husi Prezidente Repúblika, nune’e  iha loron 1 fulan-outubru autoridade ne’e tama iha vigór.

“Maibé iha parte ida mós ita tenke iha konsiderasaun tanba agostu nia laran ita sei iha governasaun foun. Governu foun ne’e sei halo orgánika ministériu nian hotu mak foin halo diploma ministeriál ba diresaun sira. Bainhira orgánika ministériu foun ne’e ho Aduaneira mak Governu foun aseita atu laiha alterasaun signifika autoridade bele la’o ona”, José hatete iha  edifísiu tuan Ministériu Finansa nian, ohin.

Maibé bainhhira iha revizaun mak autoridade hamriik bazeia ba desizaun Governu foun nian. “Kuandu iha alterasaun ruma maka, altera tiha mak foin troka fali”.

Fretilin Forma Governu, Laiha Negative Thinking 2005

DILI – Fretilin forma VII governu, laiha ona negative thinking, tanba agora Fretilin iha sentidu hakohak povu nia sentimentu, maibe parte igreza lainvolve tanba nivel politika.

Lia fuan hirak nee hatoo husi Padre Vigariu Evanjelizasaun, Juvito do Rego katak, agora dadaun Fretilin iha sentidu estadu ida neebe mak hakarak hakohak, respeita povu nia sentimentu, ida nee valor boot ida, neebe labele jeneraliza buat uluk iha tinan 2005 nian mai too 2017 nian, tanba iha buat barak muda tiha ona.

Fretilin ukun haree ba esperesia neebe mak akontese iha tinan 2005, hau laiha negative thinking, kona ba buat sira neebe mak liu ona, tanba hau hanoin durante tinan 10 sira aprende buat barak, i hau haree maneira komportamentu Alkatiri ho membru agora iha mudansa,” katak Pe Juvito ba STL hafoin remata Reflesaun ho Funsionariu STL Sabado (29/07/2017), Surikmas.

Tersa, Tribunal Rekursu Hasai Desijaun Final

DILI – Tuir artigu 50 lei eleisaun parlamentar nian, Tribunal Rekursu sei halo verifikasaun no foti desijaun iha prazu loron tolu nia laran durante 72 horas (red –Tersa) sei foti desijaun final ba apuramentu nasional husi CNE.

Deklarasaun nee, fo sai husi Prezidente Tribunal Rekurusu, Deolindo dos Santos ba jornalista sira, iha edifisiu Tribunal Rekursu, hafoin CNE entrega akta apuramentu nasional ba Tribunal Rekursu, Caicoli, Sabado (29/07/2017).

Deklarsaun prezidente CNE ho nia ekipa tomak dehan katak la iha rekursu ka reklamasaun ruma durante parazu tuir lei neebemak estabelese no tuir lei eleisaun parlamentar nee Tribunal Rekurusu iha 72 nia laran atu foti desijaun,”dehan Deolindo.

Autoridades australianas frustram plano terrorista para abater avião

Sidney, Austrália, 30 jul (Lusa) -- As autoridades australianas frustraram um "plano terrorista" que pretendia "fazer cair" um avião, anunciou hoje o primeiro-ministro, Malcolm Turnbull, que indicou que quatro pessoas foram detidas em Sidney.

"Posso anunciar que na noite passada teve lugar uma importante operação de contra-terrorismo para impedir um plano terrorista que visava fazer cair um avião", disse o governante aos jornalistas.

Turnbull adiantou que a segurança no aeroporto de Sidney tinha sido reforçada desde quinta-feira e medidas de segurança adicionais foram alargadas a todos os terminais internacionais e domésticos da Austrália durante a noite. O primeiro-ministro australiano adiantou que a operação ainda estava a decorrer.

Alteração ao regimento da Assembleia de Macau aprovada com críticas a "restrições à liberdade"

Macau, China, 28 jul (Lusa) -- Os deputados de Macau aprovaram hoje, na especialidade, a alteração ao Regimento da Assembleia Legislativa, após uma discussão de mais de três horas e muitas críticas às "restrições à liberdade de expressão" dos deputados e de "falta de transparência".

O artigo 52.º, relativo à emissão de votos, que agora passam a estar limitados a votos de congratulação, pesar, protesto, saudação, louvor ou censura, foi o mais controverso, com o deputado pró-democracia Ng Kuok Cheong a afirmar que a intenção "é restringir esta liberdade" de proposta de votos na Assembleia Legislativa.

Ng Kuok recordou, a título de exemplo, que em 2014 propôs a emissão de um voto contra a proposta de lei de garantias dadas aos titulares dos principais cargos políticos, a qual viria a ser retirada pelo próprio chefe do Executivo após as maiores manifestações da população em Macau desde o tempo da administração portuguesa.

Exército de Libertação Popular da China assinala 90.º aniversário com desfile militar

Xangai, China, 30 jul (Lusa) -- A China realizou hoje um enorme desfile militar para comemorar os 90 anos do Exército de Libertação Popular, onde esteve o Presidente Xi Jinping, que defendeu que o país precisa "hoje, mais que nunca, de um exército de primeira".

Vestido com um uniforme camuflado, em cima de um veículo militar, o também presidente da Comissão Militar Central presenciou o imponente desfile, que durou aproximadamente uma hora e para o qual a China destacou toda a sua artilharia, incluindo vários mísseis.

Após a revisão das tropas, Xi fez um breve discurso em que afirmou que nestes tempos complicados "a paz é uma bênção do planeta" e é "responsabilidade do exército mantê-la", pelo que agora, mais que nunca, o país precisa de "um exército de primeira".

O desfile fez parte das celebrações para assinalar o 90.º aniversário da fundação do Exército de Libertação Popular, cuja data chave é 01 de agosto e, segundo a agência estatal Xinhua, é a primeira vez que Xi assiste a "um desfile tão grande".

ISG//ISG

China pede a Coreia do Norte que respeite as resoluções da ONU

Xangai, China, 29 jul (Lusa) -- A China pediu hoje à Coreia do Norte que respeite "as resoluções pertinentes" do Conselho de Segurança da ONU e suspenda qualquer medida que possa aumentar a tensão na zona, segundo a agência oficial de notícia Xinhua.

O porta-voz do Ministério dos Negócios Estrangeiros chinês, Geng Shuang, fez estas declarações após a confirmação de que a Coreia do Norte lançou, na noite de sexta-feira, um novo míssil balístico intercontinental, o Hwasong-14.

O exército norte-coreano disparou o seu segundo ICBM às 23:11 de sexta-feira (15:41 em Lisboa) a partir da aldeia de Mupyong, província de Chagang, na fronteira com a China.

O Hwasong-14 voou 998 quilómetros durante 47 minutos e alcançou uma altitude máxima de 3.724,9 quilómetros antes de cair no mar do Japão, segundo os 'media' estatais norte-coreanos, uma informação que corresponde aos dados do exército sul-coreano.

FRETILIN-PD-KHUNTO Foti Pozisaun Hanesan


DILI: Hafoin Sekretariadu Tékniku Administrasaun Eleitorál (STAE) divulga sai rezultadu provizóriu eleisaun lejizlativa 2017-2022, partidu tolu mak foti ona pozisaun hanesan hodi prontu hamutuk forma VII Governu Konstitusionál.

Partidu sira ne’ebé foti ona pozisaun ba dahuluk mak partidu mais votadu, Frente Revolusionáriu Timor Leste Independente (FRETILIN). Abertamente deklara ona hakarak atu ukun, maibé partidu ne’ebé sai tarjetu mak CNRT. Maski nune’e, partidu segundu mais votadu ne’e seidauk fó sinál pozitivu ruma.

Partidu FRETILIN nu’udar partidu mais votadu, hatudu nafatin prontidaun hodi kaer governu.

Sektáriu Jerál partidu FRETILIN, Mari Alkatiri hateten, sira sei la ukun mesak, tanba kompromisu polítika partidu nian durante kampaña ne'e dehan FRETILIN manan, Xanana manan.

Prizaun Bekora Hahú Kloot, João Câncio Muda Ba Gleno

DILI: Prizioneiru João Câncio, eis-Ministru Edukasaun, hahú Tersa (26/7), muda fatin ba prizaun Gleno-Ermera tanba prizaun Bekora hahú kloot.

Diretór Nasionál Servisu Prizonais no Re-insersaun Sosiál (DNSPRS), Hélder Cosme Marçal Belo hatete, Prizaun Bekora over capacity ona tanba ne’e prizioneiru João Câncio muda fali ba Prizaun Gleno.

Evakuasaun prizioneiru ne’e la'ós ba de’it eis-ministru edukasaun, prizioneiru hotuhotu ne’ebé tama kuandu haree fatin la to’o sira transfere ba Gleno ka Suai.

“Laiha fatin ida priviléjiu ba João Câncio tanba iha fatin hotu hanesan. La’ós nia eisministru edukasaun, entaun nia tenke hetan fatin di'ak”, tenik nia, iha knaar fatin. horisehik.

Nia esplika, DNSPRS halo tratamentu hanesan ba prizioneiru sira tuir ezekusaun dekretu lei númeru 14/2014 kona-ba direitu atu hetan atendimentu no devér hodi kumpre regra. Nia esplika, hafoin halo teste médiku ba kondisaun saúde prizioneiru João Câncio nian, iha Tersa (26/7) lokraik, evakua kedas ho karreta prizioneiru nian ba Prizaun Gleno

Independente

Kooperativa Rai Laran 70% Hatudu Progresu Diak

DILI - Total Kooperativas neebe rejistu iha Ministeriu Comersiu Industria e Ambiente (MCIA), hamotuk 183, maibe iha 53 maka hetan apoiu husi goveru. Husi numeru nee koopetarativa 70% maka lao diak no hatudu progresu.

Tuir Deretur Nasional das kooperativas mikro e pequenas emprezas, Reinaldo Borges hateten, Kooperativa neebe rejistu iha MCIA, hamotuk 183 total grupu sira nee kuaze 70% maka susesu ona hodi hatudu rezultadu diak, maibe 30% neebe sei hakdasak, governu nafatin halo akompaniamentu atu nunee bele alkansa sira nia objetivu.

Ami nafatin halo akonpaniamentu tanba nee total kooperativas 183 nee 70% hatudu progresu diak, no koopertiva 183 nee 53 maka hetan apoiu finanseiru husi MCIA, maibe sira seluk nee uza sira nia modal rasik, ami hein kria deit formasaun ba sira, oinsa atu jere didiak sira nia osan,” dehan Reinaldo ba Jornalista Sesta (28/07/2017) iha nia knaar fatin Bebora Dili.

Nia mos informa liu tan katak, kooperativas 183 nee ho tipu oin oin, no apoiu neebe maka diresaun kooperativas fob a grupu kiik hodi halo atividade kooperativas nee iha parte rua ida fo ba individual no ida seluk fo ba grupu, individual nee hanesan loke kios ou loja ruma, ida seluk maka atividade neebe halo iha grupu laran.

Total kooperativas sira nee halibur ona osan maka hanesan tuir mai nee:

1. CREDIT UNION      = iha 89 Cooperativas
Total Asset                  =  $.24,246,140.39

2. Multi Sectorial =iha 52 Cooperativas
Total Asset                  = $ 284,586.79

3. AGRICULTURARA = iha 18 Cooperativas
Total Asset                  = $.2,399.75

4. PESCAS                                = iha 15 Cooperativas
Total Asset                  = $. 13,602.17

5. PECUARIA                = iha 3 Cooperativas
Total Asset                  = $. 982.00

6. INDUSTRIA                 = iha 6 Cooperativas
Total Asset                  = $.17,899.00

Total Capital              = $.11,944610.10

Iha fatin hanesan Filomena Maria hanesan membru Cooperativas neebe hetan apoiu husi governu hateten, apoiu neebe maka governu fob a kooperativa sira nee haree liu ba proposta neebe maka hatama mai iha governu. Madalena Horta

Suara Timor Lorosae

Governu Foun Tenki Tau Atensaun ba Estrada Rural

DILI - Redi Juventude Munisipiu Ermera husu ba governu foun mai atu halo kontinuasaun ba dejenvolvimentu estrada rural, no kria turizmu komunitaria iha munisipiu atu bele atrai turista estranjeiru.

Lia fuan hirak nee hatoo husi Porta Vos Redi Juventude Munisipiu Ermera (RJME) Zaquel Martins do Carmo ba STL iha sede Fongtil Kaikoli Dili Sesta, (28/7/2017). RJME mos hato nia dezeiju ba VI governu konstituisional neebe halo ona dejenvolvimentu diak ba povu no nasaun ida nee, liu husi planu dejenvolvimentu estratejiku sira.

Ami Rede Juventude munisipiu Ermera hato dejeiju ba VI governu konstituisional neebe halo ona buat ruma ba nasaun no povu ida nee. Maibe husu nafatin atu hari pas no estabilidade, no kontinuasaun nafatin ba planu dejenvolvimentu estratejiku nebe lao ona,” nia dehan.

Prezidente Partidu Republikanu (PR) Joao Mariano Saldanha, fiar katak governu mais votadu neebe forma governu foun mai, sei kria ekonomia sustentavel tamba bele kria governu ida neebe estabil iha pas no estabilidade.

Tuir Antonio Ximenes Partidu Demokratiku Cristau (PDC) fiar nafatin katak governu foun mai neebe monu ona iha partidu mais votadu Fretilin nia liman nee diak. Fretilin nia lideransa neebe lidera governu premeiru iha tinan 2003 ba oin, tamba iha esperensia boot, no konhesementu klean lidera governu. Justinho Manuel

Suara Timor Lorosae

sábado, 29 de julho de 2017

Santuáriu hosi orangotango sira iha Indonézia ameasadu tanba okupasaun

Grupu ida konservasaun ambiental alerta ona katak kuaze 1/5 hosi ai-laran ne'ebé serva hanesan santuáriu ba orangutan sira iha parte indonéziu hosi Bornéu hetan okupasaun no estraga, ameasa nune'e esforsu sira reabilitasaun hosi animal ne'e iha risku. 

Porta-vós hosi Borneo Orangutan Survival Foundation, Nico Hermanu, hatete ona katak ai-laran ho hektar 340 resin hosi Samboja Lestari, iha Kalimantan Oriental, hetan invazaun no okupa hosi ema sira ne'ebé maka mai hosi zona sira iha Indonézia no ne'ebé tesi ai sira no kuda hahán sira.

Empreza agro-alimentar sira no populasaun lokal sira sunu ho intensaun zona sira ai-laran nian hodi hamoos rai no okupa ho plantasaun sira.

Atividade sira ne'e akontese besik "eskola ai-laran" ida, ne'ebé simu orangutan hodi moris hanesan semi-independente no aprende hetan hahán mesak, harii uma no hahalok sira seluk ne'ebé importante hodi animal ne'ebé iha risku bele moris.

Xina eziji ba nasaun estranjeiru sira atu labele husu kona-ba Nobel Dame nia feen

Governu xinés husu iha loron-sesta ne'e ba komunidade internasional hodi labele tama kahur "iha sira nia asuntu internu sira" bainhira husu kona-ba Liu Xia, viúva hosi Nobel Dame xinés, Liu Xiaobo, ne'ebé maka foin lalais ne'e mate.

Seidauk hatene Liu Xia nia kondisaun dezde loron 15 Jullu bainhira nia marka prezensa iha nia laen nia funeral.

"Ami la konkorda tebes atu nasaun sira seluk tama kahur iha Xina nia asuntu internu sira", hatete hosi porta-vós hosi ministériu Negósiu Estranjeiru nian Lu Kang, bainhira hatán kona-ba Liu nia situasaun.

"La'ós hanesan kestaun diplomátika ida", nia hatutan, relasionadu ho mensajen sira preokupasaun nian ne'ebé haruka hosi governu sira EUA no hosi nasaun oioin hosi Uniaun Europeia nian.

Professor Laos Halo Aktu Violensia Hasoru Estudante

DILI – Knaar professor laos atu halo violensia hasoru estudante sira, maibe professor hanesan edukador ida neebe mak atu eduka estudante sira iha eskola.

Responsabel GAT husi eskola sekundariu jeral no 4 de setembru Balide, Sergio A.da Cruz, hatete, knar professor sira mai iha eskola atu eduka estudante sira, maibe nudar professor labele halo aktu violensia ba estudante sira.

Konaba karik violensia neebe mak hasoru ita nian estudante sira nee, it abele dehan fila-fali ba iha situasaun, karik professor ida  tenke prepara material, atu bele hanorin ita nian estudante sira, dala ruma ita nian estudante sira halo asaun ida neebe mak ladun diak, entaun bele komesa mosu violensia, maibe tuir lei nee labele, dala ruma ami duni estudante sira ho motor, depois kaer sira lori mai iha eskola, tanba iha eskola, ami mak sai hanesan inan aman nian fatin,” dehan  Sergio ba STL iha nian knar fatin Balide Dili, Kinta (27/07/2017).

Governu Lansa Sistema Digitalizasaun Saúde

DILI, (TATOLI) – Sestu governu konstitusionál liuhosi Primeiru Ministru (PM), Rui Maria de Araújo, ohin, lansa sistema digitalizasaun saúde iha Ospitál Nasionál Guido Valadares (ONGV) Bidau Dili.

“Lansamentu sistema dijitalizasaun saúde iha ONGV inklui sentru saúde neen iha munisípiu Dili, ospitál rejionál Baukau, ospitál referénsia Maliana, Maubisse, Suai no Oecusse”, tenik Diretór Ezekutivu ONGV, José Antonio Gusmão.

Alende ne’e, inagura mós  klínika moras la daet ne’ebé halo sei atende moras sira hanesan moras fuan, hipertensaun, diabete no seluk tan. Sei iha klínika tolu ne’ebé sei atende moras refere.

Nia mós informa, biban ida ne’e hakarak mós halo inagurasaun ba unidade ka departementu formasaun klínika record maibé tanba asuntu tékniku labele halo, maibé sistema digitalizasaun sei estabelese iha unidade ne’e nia laran.

TL-EUA Sei Hala’o Ezersísiu Annual

DILI, (TATOLI) – Forsa Naval Estadu Unidu no Forsa Defeza Timor-Leste (F-FDTL) sei ezersísiu hamutuk ba atividade kada tinan ho naran Cooperation Afloat Readiness and Training (CARAT).

Tuir komunikadu ne’ebé ajénsia Tatoli asesu hosi mídia embaixada Estadu Unidu Amerika iha Timor-Leste, katak, treinamentu ne’e sei hahú loron 31 fulan-jullu to’o 4 fulan-agustu 2017 ho ekipamentu ne’ebé sei lori hosi aviaun Boeing C-40. Ekipamentu sei to’o ohin e aviaun ne’e sei fila bainhira ezersísu CARAT remata.

Atividade refere hala’o ona durante tinan 23 nia laran. Ezersísiu ne’e nu’udar serie ezersísiu militár bilaterál entre parte rua inklui Bangladesh, Brunei, Indonézia, Malázia, Filipina, Singapura no Tailándia.

Entre forsa TL ho EUA hala’o ba dala lima. Treinamentu tinan ne’e sei foka liu ba hadi’a kapasidade seguransa marítima, téknika no ekipamentu inklui haforte servisu ekipa ne’ebé efetivu.

Nune’e mós hadi’a abilidade téknika salva vida, seguransa ró nian no manutensaun ekipamentu.

Hosi treinamentu hamutuk ne’e, ninia importansia mak hametin relasaun entre forsa rua ho atividade seluk maka desportu no sosiál.

Editora: Rita Almeida

Foto: Foto dokumentasaun mídia embaixada Amerika iha Timor-Leste

Adia fila fali leitura sentensa ba kaben-na'in portugés sira ne'ebé prezu iha Díli

Iha loron-sesta ne'e adia fila fali ba dala rua leitura ba desizaun ikus iha julgamentu hosi kaben-na'in portugés sira ne'ebé prezu iha Díli kuaze tinan tolu resin, to'o loron 11 Agostu, hodi esklarese informasaun kona-ba prova adisional sira ne'ebé introduz hosi juís sira rasik.

Iha semana ne'e ba dala rua ona maka arguidu sira Tiago ho Fong Fong Guerra tenki rona Tribunal Díli adia leitura ba sentensa iha julgamentu ne'ebé hahú hosi fulan-Outubru 2014, bainhira kaer kaben-na'in ne'e, ba dala uluk, iha Díli.

Adiamentu ne'e husu hafoin defeza aprezenta tiha rekerimentu ida ba tribunal hodi husu atu bolu espesialista ida hodi klarifika diverjénsia sira kona-ba transferénsia rua ne'ebé halo hahú hosi konta ida iha Makau.

Diverjénsia sira ne'e iha relasaun ba transferénsia rua ne'ebé halo iha fulan-Dezembru 2011 ne'ebé tribunal identifika hanesan levantamentu osan sira nian - ida maka ho folin dolar rihun 800 resin - maibé defeza insisti relasionadu ho transferénsia ba Estadus Unidus.

Timor-Leste Presiza “Antivirus”

DILI, (TATOLI) – Eis-prezidente Repúblika, Taur Matan Ruak hateten, sosiedade no mundu ohin loron ema barak aproveita oportunidade ba nia aan duke ba ema barak. Mundu tomak halo ida ne’e inklui ita-nia nasaun.

“Biar  quinze anos mai ho vísiu barak husi nasaun sira dezenvolvidu, komesa hetan”, hateten eis-prezidente, Taur Matan Ruak  iha Auditóriu Arkivu no Múzeu Rezisténsia Timor-Leste (AMRT), ohin.

Kompara ho komputadór, se la iha antivirus ida forte atu kombate, tempu ba tempu, to’o momentu ida fó risku ba komputadór ne’e maske foun. Nune’e mós ba ita-nia nasaun.

Tanba ne’e pensaun vitalísia ba eis-prezidente repúblika ne’ebé fulan ida dolár 2.500 ne’ebé tinan ida hamutuk 30.000, tinan-tinan entrega ba Sentru Quesadhip Ruak hodi halo ba bolsa estudu.

CNRT Komesa Lakon Konfiansa Husi Povu

DILI – Partidu Congreso Nasional Reconstrucao Timorense (CNRT), neebe mak lidera husi maun Kay-Rala Xanana Gusmao komesa lakon ona konfiansa husi povu liu husi eleisaun Parlamentar 2017-2022.

Tamba, iha eleisaun Parlamentar 2012-2017 Partidu CNRT manan maioria simples ho kadeira iha Parlmentu Nasional hamutuk 30 maibe iha eleisaun parlamentar 22 de Julho 2017 povu komesa lakon konfiansa ona ba partidu CNRT neebe mak kaer governu ba 10 ona nia laran.

Tuir observador Politika UNDIL, Fransisco Mausoro katak “Partidu Fretelin no CNRT lakon kadeira hotu, Fretelin husi 25 ba fali 23, CNRT husi 30 ba fali 22 karik ema komesa baruk ona ho promesa CNRT nian durante ida nee,”dehan Mausoro.

Nia hatutan, durante CNRT nia ukun iha Ministeriu barak neebe mak kaer iha governu nia aran nee la korespende ba promesa hotu neebe mak karik hatoo iha kampania eleitoral iha durante tinan 10 nia laran.

Tuir dadus partisipasaun eleitoral bot teb-tebes total hamutuk 76,74% fo ninia votus ba iha partidu A, B, C ka D. Tamba povu nee matenek ona no povu atu julga se iha eleisaun parlamentar kada tinan 5 nia laran.

Tuir Justino Sapolo, Dekanu Filosofia do Direitu katak povuida agora nee laos hanesan tempu uluk no laos povu ida neebe mak hanesan tinan 15 liu ba. Maibe, povu ida neebe mak matenek atu hatene hili no matan loke ona partidu politiku neebe mak halo promesa deit povu hatene ona. DomingosPiedade/Natalino Belo

Suara Timor Lorosae

Leitura de sentença de casal de portugueses retido em Díli volta a ser adiada

A leitura da sentença no julgamento de um casal de portugueses retido em Díli há quase três anos foi hoje adiada pela segunda vez, até 11 de agosto, para esclarecer informação sobre provas adicionais introduzidas pelos próprios juízes.

Pela segunda vez esta semana, os arguidos Tiago e Fong Fong Guerra viram o Tribunal de Díli adiar a leitura do acórdão num julgamento cujo caso se arrasta desde outubro de 2014, quando o casal foi detido pela primeira vez em Díli.

O novo adiamento foi solicitado depois de a defesa ter apresentado um requerimento ao tribunal a pedir que fosse chamado um especialista para clarificar divergências sobre duas transferências feitas a partir de uma conta em Macau.

As divergências dizem respeito a duas transferências efetuadas em dezembro de 2011 que o tribunal identifica como levantamentos em dinheiro - uma delas é de mais de 800 mil dólares - mas que a defesa insiste correspondem a transferências para os Estados Unidos.

Bilionário chinês condenado por corromper funcionários da ONU para construir centro em Macau

Pequim, 28 jul (Lusa) - O empresário chinês Ng Lap Seng, que queria construir um centro das Nações Unidas em Macau, foi na quinta-feira condenado por corrupção e branqueamento de capitais, num caso que envolve um ex-presidente da Assembleia Geral da ONU.

Na quinta-feira, depois de um julgamento de quatro semanas, Ng Lap Seng, de 69 anos, foi condenado por todas as seis acusações que enfrentava, incluindo corrupção, suborno e branqueamento de capitais, num tribunal federal de Manhattan, em Nova Iorque.

A data em que se procederá a deliberação sobre a pena não foi anunciada pelo tribunal. Ng pode enfrentar uma pena de prisão superior a 65 anos.

Governu Foun Labele Dependente Liu Minarai

DILI - Husu ba governu foun VII governu konstituisional neebe mak mai atu labele depende liu ba osan husi fundu minarai, tamba rekursu nee nao renovavel. Tamba nee husu ba politika governu foun atu reforsa agrikultura no turizmu komunitaria.

Lia fuan hirak nee hatoo husi Portavos Redi Juventude Munisipiu Ermera Zaquel Martins do Carmo ba STL iha Edifiusiu Fongtil Kaikoli Dili Sesta, (28/7/2017). Nia dehan durante tinan 10 nia laran governu investe osan barak halo dejenvolvimentu sira nebe mai husi osan minarai.

Tuir ami nia hare durante nee governu investe osan ba dejenvolvimentu barak liu husi osan minarai. Maibe fiar katak rekursu minarai larenovavel. Fignifika katak mina kuandu maran la mosu fali. Tamba nee husu ba governu nebe mai husu atu tau atensaun liu ba seitor agrikultura, no turizmu sira nebe iha ona atu bele hatama reseitas ba estadu,”nia dehan.

Turizmu komunitaria governu liu husi SEPFOPE implementa ona maibe husu ba futuru atu bele reforsa tan iha areia ida nee. Parte seluk governu foun neebe mai tenki tau liu prioridade ba iha seitor agrikultura hanesan holtikultura no peska.

Prezidente Partidu Republikanu (PR) Joao Mariano Saldanha, PhD husu ba governu foun nebe mai presija hare no tau prioridade liu ba areia Agrikultura, Turizmu, Kreditu ho funan kiik, Infraestrutras diak sei bele fo benefisiu diak ba povu tamba uja orsamentu estadu nian. Justinho Manuel

Suara Timor Lorosae

Votus Abandonadu, CNE Falla Edukasaun Sivika

DILI – Tuir akta resultadu provisoriu apuramentu nasional eleisaun parlamentar, 22 de Julho de 2017 liu husi rejultadus ba verifikasaun ba akta apuramentu munisipiu nian iha horas 72 nia laran remata ona. Maibe, iha votos abandonados ho total 29 (0,00).

Rezultadu apuramentu nasional remata ona maibe numeru votantes neebe la partisipa iha elpar hamutuk 176. 951 pessoal (24,26%) husi total eleitores neebe registu hamtuk 760. 907 votantes, nunee total partisipantes iha eleisaun parlamentar hamutuk 583. 956 votantes (76,74%).

Tuir Fransisco Mausoro katak numeru pessoal iha partisipasaun eleisaun parlamentar menus tebes ho votus abandonadu hamutuk 29 (0,00%), kerdizer ema baruk ona ho eleisaun tamba CNE la halo ninia serbisu ho diak maibe CNE sai fila fali departamentu kiik ida ba STAE.

sexta-feira, 28 de julho de 2017

Xanana Gusmão nia Politika | Hamriik iha Destinu formasaun Governasaun Foun

Husi: Sancho Xavier* | opiniaun

Eleisaun remata ona ho hakmatek. Iha oprtunidade ikus mos ba avo 2 nee bele salva ida-idak ho nia status quo, tamba ne'e mak sira komesa book malu maibe balun finji jual mahal tiha. susar duni iha periodu sira nune'e atu bele sukat se mak lakon no se mak menan ne'e sintomas normal iha vida politika. Espera katak Formasaun Governu VII mai ho dinamiku foun ba serbisu kualidade hodi hasai povu husi kiak no mukit ba moris diak.

Hela deit ona loron balun ita atu simu ita nia servidor sira nebe tur iha "uma fukun" PN no "uma mutin" Palcio do Governo. Dadaun ne'e politiku sira preokupadu los ho saida mak sira bele halo ba prosesu formasaun governu nian. Lider politiku sira durante loron tolu nia laran depois rezultado provisoriu fo sai, sira komesa bolu atensaun ba malu, book malu, kebit malu, hanesan lolos sira soe iska ba tasi laran atu dada ikan, ikan balun konsege horon ona iska, balun fali hare iska halai dook tiha maibe ikan boot sira hare iska sei cuek-cuek maske tuur hare hela iska ne’e.

Se mak bele tuir se? Iha pratika politika iha Timor-Leste forsa politika boot rua deit mak nia existensia sei kontinua ba tempu naruk no hau fiar sei lamate. FRETILIN hamriik ona ho forsa politika ida nebe boot laos mosu iha era ukun nia laran maibe haboot kedas husi moris mai luta rezistensia nian mak halo FRETILIN nia existensia susar atu lakon no laiha fatin atu hamate existensia ida ne’e. Xanana Gusmão wainhira hahu nia kareira politika tranforma CNRT ba partidu politiku halo atakes maka’as ba FRETILIN tamba ema politiku sira laos tamba FRETILIN. Xanana moris husi FRETILIN hanesan nia hateten ona katak nia almamater mak FRETILIN. Xanana Gusmão mak halo mudansa ba luta FRETILIN halo susesu ba misaun FRETILIN durante rexistensia nian, tranforma CNRN CNRM ba CNRT, ne’e atu dehan katak iha politika Timor nian hau bele konta deit FRETILIN no Xanana Gusmão.

Governante Foun Tenke Hadok Aan Husi Korupsaun

DILI - Sosidade sivil iha rai laran, husu ba Governante foun neebe maka kaer pasta iha VII Governu, atu hadok aan husi korupsaun, tanba korupsaun sei lahalo dezenvolvimentu lalao ba oin.

Membru ONG Ajaar Inocensio Xavier Alerta ba Governantes foun neebe maka kaer pasta hanesan Ministru atu labele komete iha aktu korupsaun, tanba aktu korupsaun laos dalan diak, atu lori dezenvolvimentu lao ba oin.

“Se Ministru foun mai maka komete iha aktu korupsaun, sira sei hetan penalidade hanesan sira nia maluk Governante sira seluk nebe tama prizaun, tanba nee husu ba Governates foun mai atu labele komete iha aktu korupsaun ,” dehan Inocensio ba STL, iha nia servisu fatin Farol, Dili, Sesta (28/07/2017).

Nia dehan, Ho Joao Cancio neebe maka tama ona prizaun sei iha mos   govenante sira balu neebe maka ativu iha deputadu, Direitores balu neebe maka iha hela akuzasaun bele tuir mos dalan nee.

Iha parte ketak Direitor ONG Gertak Faustinho Magno hateteten, atu Governasaun foun mai mos husi aktu korupsaun, kada Ministeiru ida-idak labele involve iha aktu korupsaun, tanba aktu korupsaun hanesan virus neebe daet ba ema, aimoruk laiha para atu bele kura. Carme Ximenes

Suara Timor Lorosae

KAK Deteta Infrasaun Veíkulu Estadu iha Kampaña ElPar

DILI, (TATOLI) – Komisaun Anti Korupsaun (KAK) deteta ema balun uza kareta no motorizada Estadu nian iha kampaña eleisaun parlamentár (ElPar) ne’ebé hahú iha 20 juñu to’o 19 jullu.

“Ami halo monitorizasaun ba kampaña eleisaun lejislativa 2017-2022 hosi partidu polítiku hamutuk 21, ami deteta ema balun uza veíkulu Estadu nian ho kareta ida no motorizada 18 iha ámbitu kampaña eleitorál”, informa Komisáriu Adjuntu Prevensaun no Sénsibilizasaun KAK, Rui Pereira dos Santos ba jornalista sira liuhosi konferénsia imprensa iha salaun Provedoria Direitu Umanu no Justisa, Kaikoli, ohin.

Nia reforsa, infrasaun ne’ebé sira komete mak uza motorizada no kareta Estadu nia iha kampaña polítika. Infrasaun hirak ne’e latuir Dekretu Lei Númeru 8/2003, artigu 2 kona-ba atribuisaun veíkulu Estadu, artigu 3 kona-ba uza veíkulu Estadu no artigu 9 kona-ba sansaun ba uza sala veíkulu Estadu nian no kódigu penál, artigu 296 kona-ba pekulatu uzu kondena hahalok sira uza sala hanai-án ba sasan Estadu nian.

Estudante 22 Simu Bolsa Taur Matan Ruak

DILI, (TATOLI) – Sentru Queshadip Ruak, ohin, entrega tan sertifikadu programa bolsa estudu Taur Matan Ruak ba estudante na’in 22 ne’ebé mai husi família karensiada, vulnerável no desfavoresida. Serimonia ne’e hala’o iha Auditóriu Arkivu no Múzeu Rezisténsia Timor-Leste (AMRT).

Reprezentante Sentru Queshadip Ruak, Miguel Maia hateten bolsa estudu ba veteranu no kombatente nasionál nia oan, bolsa da mãe, barak ba estuda iha estranjeiru, menus estuda iha rai laran.

Estudante balun, falta apoiu husi família no asaun sosiál sira, dalabarak halo estudante sira buka serbisu ba aan rasik nune’e fahe tiha tempu husi estuda nian ba serbisu.

“Investimentu ba família kbiit laek sira sei enkoraja no sai komportamentu ezemplár ba sira-nia estudu rasik”, hateten Miguel Maia.

Reprezentante ne’e mós hatutan sente onradu ho apoiu ne’ebé mai husi eis-prezidente Taur Matan Ruak tanba bele sai bee matan ida hodi sulin netik ba família karensiada, vulnerável no desfavoresida sira, nune’e bele fó buras, sai nu’udar ai-huun ida hodi bele fó fuan iha futuru.

Horta Prefere FRETILIN ho CNRT Halo Koligasaun

DILI, (TATOLI) – Eis Prezidente Repúblika, José Ramos Horta hatete atu asegura programa Planu Estratéjiku Dezenvolvimentu Nasionál (PEDN) no obra sira seluk ne’ebé eis Primeiru Ministru, Xanana Gusmão husik hela, partidu Frente Revolusionariu Timor-Leste Indepéndente (FRETILIN) no Kongresu Nasionál Rekonstrusaun Timor (CNRT-sigla portugés) tenke halo koligasaun harii Sétimu Governu Konstitusionál.

“Ha’u nia opiniaun, doutór Marí Alkatiri no señor Kay-Rala Xanana Gusmão maka reprezenta jerasaun rezisténsia tenke túr hamutuk hodi haree governasaun saida maka di’ak liu”, hatutan Horta ba jornalista sira iha Palásiu Prezidensiál Nicolau Lobato, Bairo Pite, ohin, hafoin enkontru ho Prezidente Repúblika, Francisco Guterres Lú-Olo hodi ko’alia konaba estabilidade no dame.

Nia hatutan tan: “Todan boot ida iha sira na’in rua nia kabaas no konsiénsia, sira na’in rua hatudu ona dezde tinan tolu liu-ba katak serbisu hamutuk di’ak teb-tebes ne’ebé konsege lori Timor hetan dame no dezenvolvimentu, serbisu hamutuk entre líder na’in rua ne’e tenkiser ba oin nafatin”.

Governu La Koloka Artigu Protesaun Labarik Iha Kampaña

DILI, (TATOLI) – Kampaña eleisaun parlamentár, governu la tau artigu ida iha lei eleisaun lejislativa nian hodi proteje labarik minoridade ne’ebé involve iha kampaña.  

“Komisaun direitu labarik haree katak lei eleisaun la regula artigu ida kona-ba protesaun labarik sira iha tempu kampaña tanba ne’e governu tenke toma atensaun”, hateten Komisariu Komisaun Nasionál Direitu Labarik, Maria Barreto ba jornalista sira iha salaun konferénsia imprensa iha Provedoria Direitu Umanu no Justisa, Kaikoli, ohin.

Nia rekoñese preokupasaun públiku durante ne’e la’o iha ámbitu kampaña eleitorál kona-ba partisipasuan labarik idade minór ho razaun governu la koloka artigu ida hodi regula partidu polítiku sira, regula inan aman sira no regula entidade hotu atu labele involve labarik iha tempu kampaña.

Komisaun direitu labarik husu ba governu atu tau atensaun ba artigu ruma iha lei eleisaun nian atu bele trata festa demokrásia ne’ebé sei akontese tan iha futuru.

Institutu Diplomátiku Fó Formasaun ba Funsionariu 300 Resin

DILI, (TATOLI) – Vise Ministru Negósiu Estrangeiru no Koperasaun, Roberto Soares hateten funsionariu no diplomata 300 resin husi  ninia ministériu  hetan ona formasaun lian ingles no portugés iha sentru diplomátiku, Praia dos Queqeros, Dili.

“Kapasitasaun ba funsionariu permanente no diplomata permante hahú kedas iha mandatu kuartu governu ne’ebé foka liu iha formasaun lingua portugésʺ, dehan nia ba ajénsia Tatoli iha MNEK, foin lalais.

Tuir nia, formasaun lian importante ba diplomata permanente no funsionariu permanente hodi ajuda servisu diplomasia iha rai liur.

Tan ne’e governu kontinua tau atensaun ba institutu ne’e hodi estabelese estrutura, rekursu úmanu no kondisaun fasilidade hodi hakbi’it funsionamentu ba futuru.

Atu hatutan mehi ne’e maka governu foun maka sei fó atensaun no prioridade oinsá atu kria kondisaun hodi funsiona.

Edifisiu Institutu ne’e hetan apoiu konstrusaun husi Governu Xina iha mandatu kuartu governu ne’ebé lidera husi eis Primeiru Ministru, Xanana Gusmão.

Dadaun ne’e, ministériu uza hodi hala’o worshop no seminár ne’ebé foka liúba área diplomasia, fronteira marítima, ekonómia, seguransa, relasaun internasionál, direitu úmanu, tratadu ba konvensaun internasionál no seluk tan.

Tuir planu governu sei uza institutu diplomátiku ne’e atu prodús diplomata timoroan barak liutan.

Jornalista: Agapito dos Santos | Editora: Rita Almeida

Foto: Roberto Soares

Keta Ta’uk Husu Se Hakarak Aprende

DILI, (TATOLI) - Artista ansedénsia timoroan,  Jen Shyu, hamenu, bainhira ita kuriozu atu hatene buat ruma, hakarak buka tuir buat ruma hodi hatene keta ta’uk atu husu ba se de’it mak hatene. Fraze ida ne’e mós vale tebes iha arte no múzika.

“Labele ta’uk husu, se hakarak aprende no hatene,” enkoraja kompozitora no kantora norte-amerikanu ho orijen timoroan Jen Shyu, vensedora ida husi edisaun Prémiu Doris Duke, iha Uma Amérika, Kampus Resende, UNTL, Díli, horseik.

Iha atividade Coffee Chat with musician Jen Shyu: “We Are Not Strangers: Projecting Tradition Into the Future and Finding Your Voice Within”, Shyu hanesan vokalista jazz esperimentál ida no multi-intrumentista ne’ebé kanta iha lian inglés, koreanu, indonéziu ho tétun ne’e, haktuir katak nia pesoalmente gosta tebes múzika bainhira sei ki’ik.

“Iha moris ne’e ha’u gosta tebes múzika. Hahú ki’ik ho talenta ne’ebé Maromak fó, ha’u mós hahú buka dalan oioin no tuir kompetisaun,” esplika Shyu ne’ebé antes ne’e lansa ona “Sounds and Cries of the World”, tan hetan influénsia husi mehi Timor-Leste nian, esperiénsia múzika barak husi kontinente aziátiku no viajen ida ba abut husi nia família timoroan nian.

Lei Traballu Infantil, Bandu Labarik Servisu Liu Horas Haat


DILI - Lei Traballu Infantil bandu labarik sira atu servisu liu horas haat too horas lima loron ida, tamba bele estraga labarik sira nia fiziku no mental. Maibe tenki fo sira nia direitu atu halimar, estuda no eskola.

Liafuan hirak nee hatoo husi Sekertariu Jeral Konfederasaun Sindikatu Timor Leste (KSTL) Jose Conceição da Costa ba STL iha nia servisu fatin Kuluhun Dili Kinta, (27/7/2017). Nia dehan Lei trabalhu infantil neebe oras nee sai problema boot iha estadu no governu ida nee.

“Trabalhu infantil nebe oras nee sai problema bot. Tamba realidade labarik lei bandu ona atu labele servisu liu horas haat maibe akontese nafatin halo servisu buka osan atu bele reforsa ekonomia uma laran. Tamba nee governu sei halo analija no estudu maibe fiar katak governu foun mai tenki hare liu ba lei ida nee atu deskute ba iha konselus ministrus,” nia Tenik tuir tan.

Diretor Ezikutivu HAK Manuel Monteiro Fernandes dehan nee hatudu ida nia komitmentu ba raifikasaun ba konvensaun direitu labarik nian, maibe Konselu Ministru la aprova ida nee nee hatudu katak seidauk iha vontade atu inplementa konvensaun direitu labarik nian.

Sekertariu Jeral Conselu Nasional Juventude Timor Leste (CNJTL) Luis Mendes Ribeiro, tuir nia hare buat ida tama iha situasaun dilematiku tamba ida normal labarik idade 6-12 nia direitu barak liu atu halimar estuda no eskola. Justinho Manuel

Suara Timor Lorosae

Traballador Servisu Liu Horas 8 Tenki Selu 25%

DILI — Traballador neebe servisu liu horas ualo loron ida sei selu salariu too 25% husi salariu neebe maka iha. Tamba nee husu ba governu foun, tau prioridade ba lei nee atu bele fo benefisiu ba trabalhadores sira.

Lia fuan hirak nee hatoo husi Sekertariu Jeral Konfederasaun Sindikatu Timor Leste (KSTL) Jose Conceição da Costa ba STL iha nia servisu fatin Kuluhun Dili Kinta, (27/7/2017). Nia dehan Lei No. 4/2012 artigu 28 iha neba dehan ba trabalhadores nebe servisu hahu husi kalan tuku sia to ba dadersan tuku neen, nia salariu sei sae 25% lahanesan loron.

Merkadu Comoro Nakonu ho Lixu

Komunidade ne’ebe hela besik iha merkadu Comoro sente preokupadu ho ambiente merkadu ne’ebe nakonu ho lixu e situasaun ida ne’e fo imajen ladiak ba sidade Dili ne’ebe nudar capital ba nasaun Timor-Leste e mos ba ema nia saude.

Komunidade Jacinta de Araujo Martins, hateten merkadu foer barak tanba negosiantes ne’ebe fa’an iha ne’e laiha konsiensia atu kuida ambiente ne’ebe moos.

‘’Dala ruma hemu bee aqua no kaer plastik ruma tiha sira soe arbiru deit, ida ne’e signifika ita la hadomi ita nia ambiente,” nia hateten, kiha Merkadu Comoro, Dili.

Nudar sidadaun no nudar komunidade Dili ne’ebe diak, nia dehan tenke hatene kria ambiente ne’ebe moos no saudavel. “Nune’e ema husi rai liur mai iha ita nia rain, haree katak ita nia rain mos iha ambiente ne’e furak no saudavel duni,” nia dehan.

Alunus 38 Lahetan Direitu ba Osan 0.25

Estudantes husi Ensino Baziku Filial Rumbia, Kaikoli, nain 38 la hetan osan sentavus 25 kada loron, ne’ebe Parlamentu Nasional aprova ba programa merenda eskolar.

Koordenador EBF Rumbia, Abilio Pereira da Conceição rekonese problema ne’e tanba husi total alunus 801, maibe Ministerio Finansas aloka osan ba labarik nain 763 deit.

Nia informa, husi eskola fo dadus ne’ebe kompletu ba Ministerio Edukasaun maibe to’o ikus atu foti osan hodi implementa programa merenda eskolar alunus balun laiha direitu.

Nia deskonfia, failansu ne’e iha administrasaun Ministerio Edukasaun nian tanba ema ida mak lee no ida seluk hakerek iha sistema, entaun dala ruma konfundi ho pronunsia bele hakerek sala iha sistema.

“Maibe la signifika sira ne’ebe la hetan ne’e la han, sira han hotu, so que hahan mak la ekilivre tanba osan ne’ebe ki’ik no tenke fahe fali sosa fos,” nia hateten.

Jovens Barak Dezempregu Tanba Kampu Servisu Sei Menus

Jenia Maria Fernandes, komunidade e nudar mos joven preokupa tebes ho numeru dezempregu ne’ebe kada tinan aumenta, tanba falta kampu de trabalhu.

Tanba ne’e, nia husu governu tenke tau atensaun maximu ba dezempregu, liu-liu ba joven sira iha rai laran.

“Ema barak gradua ou ho background universidade maibe sira lahetan servisu, tanba governo la tau atensaun ba sira,” nia preokupa, iha Dili.

Dalabarak konflitus ne’ebe mosu iha rai laran ne’ebe kauza husi jovens, nia dehan tanba sira laiha servisu ne’ebe atu konsentra ba.

Tanba ne’e, nia husu ba governo atu kria tan kampu de trabalho ba iha ema sira ne’ebe durante ne’e seidauk hetan servisu, liu-liu joven sira.