Autoridade
eleitoral timoroan sira sei instala estasaun sira votu nian hamutuk 1.121 iha
sentru votasaun hamutuk 859 ba lejislativu sira loron 22 Jullu nian, ne'ebé
pelumenus hitu sei funsiona iha estranjeiru, iha Austrália, Koreia-Súl,
Portugal no Reinu Unidu.
Informasaun
siran ne'ebé Sekretariadu Tékniku hosi Asisténsia Eleitoral (STAE) fó ba Lusa
hatudu katak, haree ba eleisaun prezidensial loron 20 Marsu, Governu sei
instala tan ba lejislativu sira sentru sira votasaun hamutuk 155 no estasaun
sira votu nian hamutuk 177 resin.
Hafoin
estreia hosi votu timoroan sira nian iha estranjeiru iha prezidensial sira (iha
Lisboa no iha sidade australianu sira Darwin ho Sydney), Governu desidi aumenta
fatin sira votasaun nian iha estranjeiru, hodi bele hatán ba apelu sira kona-ba
asuntu ne'ebé halo hosi komunidade emigrante sira.
Nune'e,
iha loron 22 Jullu sei iha fatin sira votasaun nian iha sidade australianu tolu
(Sydney, Darwin ho Melbourne), iha kapital súl-koreanu nian, iha Londres no iha
Lisboa.
Informasaun
ne'ebé STAE fó ba Lusa konfirma katak hamutuk eleitor 764.858 maka halo ona
resenseamentu hodi vota, na'in 24.688 kompleta ona nia resenseamentu iha
períudu ikus ne'ebé permitidu entre loron 08 Abril no 20 Juñu.
Total
ne'e inklui na'in 1.101 resenseadu iha Austrália, na'in 589 iha Portugal, na'in
208 iha Reinu Unidu no na'in 227 iha Koreia-Súl.
Iha
Timor-Leste, númeru boot hosi fatin sira votasaun nian maka situa iha kapital,
Díli - sentru votasaun hamutuk 83 no estasaun sira votu hamutuk 187 - hodi
hatán ba faktu katak iha kapital maka iha númeru aas hosi eleitor sira
(163.129).
Tuir
Baucau ne'ebé iha eleitor hamutuk 87.057, Ermera (77.190) ho Bobonaro (64.008).
Fatin
sira ne'ebé ladún iha eleitor sira maka Aileu (30.344) ho Manatuto (30.344).
Partidu
hamutuk 20 no koligasaun ida ne'ebé hanesan kandidatu ba eleisaun sira loron 22
Jullu halo ona kampaña hahú loron-tersa no to'o loron 19 Jullu, sei iha loron
rua ba reflesaun hodi nune'e ema timoroan sira bele halo viajen hodi vota iha
fatin ne'ebé sira halo resenseamentu.
Besik
metade hosi eleitor sira tenki halo viajen ba fatin seluk iha nasaun laran iha
loron votasaun nian, haktuir hosi estimativa hosi autoridade eleitoral sira.
Votu
hala'o iha loron 22 Jullu no rezultadu ikus sira - konfirma sé maka halo parte
hosi deputadu na'in 65 hosi Parlamentu Nasional - tenki sertifika hosi Tribunal
Rekursu to'o loron 06 Agostu.
SAPO
TL ho Lusa
Sem comentários:
Enviar um comentário