DILI,
(TATOLI) –Prezidente Comissão
Nacional de Eleições (CNE), Alcino de Araújo Barris hateten Partidu
Polítiku (ParPol) 21 to’o kinta, (22/6) seidauk viola aktu eleitorál tanba la’o
tuir lei no regulamentu ne’ebé CNE hasai.
“To’o
ohin CNE seidauk simu keixa, tanba ne’e espera ba oin sei laiha keixa,
koperasaun entre CNE no partidu polítiku la’o di’akʺ, hateten ba jornalista sira iha salaun CNE
Kaikoli, ohin.
Maske
seidauk iha keixa, informasaun balun hosi ParPol balun tenta atu viola
kalendariu kampaña tanba kampaña la-tuir oras no fatin ne’ebé determinadu.
ʺFoin
dadaun ha’u simu telefone husi postu administrativu Uatulari, munisípiu Vikeke,
partidu ba ne’eba la’ós fatin atu kampaña maibé para atu halo kampaña tanba
ne’e CNE no polísia muda kedas sira ba fatin ne’ebé preparaʺ, hatutan.
Prezidente
CNE husu ParPol sira atu hala’o kampaña bazeia ba kalendariu ne’ebé CNE
sirkula tanba hetan ona konkordansia.
Polísia
sei atua bainhira kontra kalendariu kampaña. ʺKalendariu klaru no partidu polítiku sira kumprende kona-ba
regra ne’eʺ, afirma.
Entretantu,
atividade kampaña hetan akompañamentu husi CNE, Provedoria Diretus Humanus no
Justisa, Sosiedade Sivíl, Igreja, observadór nasionál no internasionál.
Jornalista:
Agapito dos Santos | Editora: Rita Almeida
Foto:
Prezidente CNE, Alcino de Araújo Baris. Foto mídia CNE
Sem comentários:
Enviar um comentário