segunda-feira, 19 de junho de 2017

Maioria hosi partidu sira hahú kampaña ho komísiu sira dook hosi kapital

Kuaze total hosi forsa polítiku sira hamutuk 21 ne'ebé kandidata ba eleisaun parlamentar sira timoroan nian iha loron 22 Jullu hahú nia kampaña ho komísiu sira dook hosi kapital ne'ebé iha kontrapartida sei simu partidu barak iha loron ikus kampaña nian, iha 19 Jullu.

Iha loron-tersa, bainhira hahú loron 30 kampaña nian ba lejislativu sira, Partidu Republikanu (PR) de'it no Associação Popular Monarquia Timorense (APMT) maka karik halo komísiu ida iha Díli, no sira seluk sei namkari iha nasaun laran.

Partidu boot timoroan nian, Congresso Nacional de Reconstrução de Timor-Leste (CNRT) hahú nia kampaña iha Suai, iha kilómetru 138 hosi sudueste Díli nian, iha loron hanesan ne'ebé maka nia líder, Xanana Gusmão, selebra tinan 71.

Jornada iha Suai destaka mós, aleinde kampaña hosi CNRT, ba inaugurasaun aeroportu foun Suai nian, ne'ebé hanesan infraestrutura transporte di'ak liu iha Timor-Leste.


Besik iha Díli, iha Liquiçá (oeste kapital nian) sei okupa hosi partidu boot daruak, Frente Revolucionária do Timor-Leste Independente (Fretilin) no partidu datoluk ne'ebé iha reprezentasaun parlamentar nian, Partidu Demokrátiku (PD) sei hahú nia kampaña iha Lospalos, iha ponta sudeste nasaun nian.

Iha zona ne'e mós sei hetan prezensa hosi eis-xefe Estadu Taur Matan Ruak, ne'ebé hahú kampaña hos Partido da Libertação Popular (PLP) iha Lautem, ne'ebé hanesan estreia hosi forsa polítika foun timoroan nian.

Kampaña eleitoral ba lejislativu sira halo to'o loron 19 Jullu, ema timoroan sira sei iha loron rua reflesaun nian antes ba vota hodi hili membru na'in 65 ba Parlamentu Nasional.

Iha semana ne'e, Sekretariadu Tékniku hosi Asisténsia Eleitoral nian (STAE) sei fó sai númeru loloos hosi eleitor sira no fatin sira votasaun nian.

Buat hotu hatudu katak iha Timor-Leste sei instala sentru votasaun hamutuk 845 ho total hosi estasaun sira votu nian hamutuk 1.123. Ema timoroan sira m´s bele vota iha sentru tolu iha Austrália (Sydney, Melbourne ho Darwin) no mós iha Seul, Londres no Lisboa.

Semana ne'e sei hahú mós halo impresaun ba boletin sira votu nian.

SAPO TL ho Lusa

Sem comentários: