sábado, 27 de maio de 2017

PN Nafatin Kestiona Lixu

DILI - Membru Parlamentu Nasional (PN) kontinua hakilar foer nafatin naklekar iha Dili laran. Maske orsamentu PN aprova ona maibe lahatene Saneamentu ezekuta tuir planu neebe iha kalae, nee mak lixu kontinua naklekar iha fatin-fatin.

Hateten Membru Parlamentu Nasional deputada Anastacia Amaral liu husi plenariu iha PN, Tersa (23/5/2017).

Tuir Anastacia katak, orsamentu PN aprova ona tau ba governu atu ezekuta hodi asegura lixu iha Dili laran. Maibe lixu kontinua naklekar nafatin iha Dili, liu-liu iha estrada laran.

Preokupasaun nee nia husu ba Sanamentu Munisipiu Dili, oinsa atu haree problema lixu iha Dili laran, tanba orsamentu PN aprova ona tau ba Saneamentu, hodi hamos foer.

Tuir Deputada Josefa Alvares Pereira Soares, hateten, governu kaer ba dikretu lei no 30/2006 dehan katak povu aileba sira mak produs lixu, maibe lae ita sira nee, NGO no ema neebe halo viazen sira nee mak produs lixu barak liu. Tanba estrada husi Dili liga ba Baucau nakunu ho lixu. Ema husi rai liur, maibe liu ba Baucau haree lixu sira nee hatudu emajen ladiak ba TL.

Tanba nee presiza, Administrador Munisipiu haree problema lixu, tanba ema soe lixu arbiru estraga ambiente neebe iha.

Tuir obserbasaun STL nota katak lixu sira nee laos produs husi komunidade povu aileba sira, maibe dala barak estudante sira tur iha fatin sardine sira han no hemu hotu lixu sira soe arbiru deit. Nunee mos ema balun ho kareta lixu liu soe lixu sira husi janela kareta. Tanba nee mesmu iha lei hodi regula ema labele soe lixu arbiru, maibe konsensia komunidade laiha mak lei sira nee sei labele inplementa.

Ida nee presiza governu aplika multa bele mos hatama ba kadeia bainhira laiha konsensia soe lixu iha fatin. Tanba governu laaplika regar neebe regrosu, mak ema latauk kontinua soe lixu ka arbiru.

Maske eis Prezidente Republika, Jose Ramos Horta, inklui eis Peremeiru Ministru Xanana Gusmao, tun rasik iha komunidade nia leet hamos foera. Ida nee hanesan exemplu hodi hatudu ba komunidade sira atu labele soe foer arbiru, maibe ema laiha konsensia kontinua soe foer arbiru. Augusto da Costa

Suara Timor Lorosae

Sem comentários: