quinta-feira, 20 de abril de 2017

Taur Promulga Lei LPV- Arte Marsiais no Eispropriasaun

DILI - Prezidente Republika Taur Matan Ruak promulga Lei Pensaun Vitalisia (LPV), Arma Branka ho Arte marsiais no mos Eispropriasaun, maibe Dekretu lei rai no Eleisaun Parlamentar husu fiskalizasaun preventive ba Tribunal Rekursu.

Informasaun nee fo sai husi Prezidente Parlamentu Nasional Aderito Hugo da Costa hafoin halao enkontru ho Prezidente Republika Taur Matan Ruak, iha Palasiu Prezidensial katak Prezidente Republika promulga ona lei pensaun Vitalisia.

Ita hatene dekretu parlamentu lima mak iha progresu, prozidente promulga ona lei Armas branca no Arte marisias nian, promulga mos lei ba Eispropriasaun no mos ohin Prezidente Konfima tan Promulga ona mensazen ba lei pensaun Vitalisia,” dehan Aderito ba Jornalista Kinta (20/04/2017) iha Palasiu Prezidensial Nicolao Lobato.

Nia hatete iha lei rua mak Prezidente Republika sei husu rekursu ba Tribunal Rekursu atu halo fisklalizasaun Preventiva, mak lei rai nian no lei Elisaun parlamentar nian.

Antes nee Prezidente Republika Taur Matan Ruak Wainhira halao Vizita ba UNDIL hatete Lei pensaun Vitalisia parlamentu nasional halo alterasaun ba lei anterior hodi redus regalias balun ba Eis titulares sira. Timotio Gusmao

Suara Timor Lorosae

Sem comentários: