domingo, 2 de abril de 2017

PLP Ameasa Boot Parpol 4 Iha PN

PARTILHAR
DILI - Partidu Libertasaun Popular (PLP) maske foin mak eziste tinan ida, komesa fo ameasa ba partidu seluk neebe ejiste kleur ona, liu-liu Partidu Demokratiku (PD), Frente-Mudansa (FM), Kongresu Nasional Rekonstrusaun Timor Leste (CNRT) no Frente Revolusionariu Timor Leste Independente (FRETILIN) oras nee asesu iha Parlamentu Nasional (PN).

Tuir Observador Politika-UNDL, Francisco Mausoro katak, PLP sai ameasa boot ba partidu haat tanba iha figura importante atual prezidente republika, Taur Matan Ruak (TMR).

Oras nee iha partidu 4 mak sai forsa hanesan PD, FM, CNRT no FRETILIN, maibe keta haluha PLP nee ameasa boot ba sira tanba lidera husi figura Taur Matan Ruak,” dehan Observador Politika-UNDL, Francisco ba STL iha peace coffe, Caicoli-Dili, Sesta (31/04/2017).

Observador, Mausoro haktuir, lasignifika PLP amaeasa hodi manan absoluta iha Eleisaun Parlamentar (Elpar), maibe ninia influensia ba sosiedade mak sei makas. Mausoro sublina, maibe iha tereinu partidu ida neebe eziste los, nee ita haree fali ba partidu ida neebe iha poder ekonomia asesu ba ukun governu nian, maibe sira neebe laasesu ba ukun governu nian nee difisil.

Iha fatin ketak, Diretor FONGTIL, Arsenio da Silva Pereira “Lavera” dehan, atu hasoru eleisaun parlamentar barometru ida mak eleisaun prezidensial, wainhira partidu boot rua FRETILIN no CNRT hamutuk lori primeira Vitoria. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: