DILI
- Planu governu liu husi Ministeriu Obras Publiku Transporte Komunikasaun
(MOPTK) iha tinan 2017 nia laran sei harii terminal pasajeiru iha Portu Dili,
hodi fasilita pasajeiru Oecuse no Atauro ho kondisaun diak.
Tuir
Vise Prezidente Aportil Victor Maia katak, planu harii konstrusaun Terminal
Portu, MOPTK kopera ona ho JICA hodi implementa projetu nee. Tanba nee, prosesu
lao hela, agora tama ona ba dezenu no BOQ.
Objetivu
harii terminal pasajeiru iha Portu Dili hodi fasilita pasajeiru roo Dili Atauro
ho Dili-Oecuse. Tanba durante nee terminal laiha nee duni pasajeiru sira hein
deit iha estrada-ibun. Haree ba ambiente nee ladun diak nee mak governu planu
atu harii ona terminal,” dehan Victor ba STL, Tersa (11/4/2017) iha Portu Dili.
Maske
governu palanu iha tempu badak tinan ida nee nia laran atu harii terminal portu
maibe Victor relebra katak, total orsamentu ba projetu nee nia rasik lahatene
nian total hirak. Tanba governu liu husi MOPTK mak hatene.
Iha
parte seluk Prezidente Komisaun E Deputadu Pedro dos Martires da Costa hatete,
governu iha planu ona, harii konstrusaun terminal Portu Dili hanoin planu nee
diak, bele fasilita pasajeiru Oecusi no Atauro hein kondisaun fatin seguru.
Tanba durante nee, pasajeiru sira ba Oecusi no Atauro hein estrada- ibun ladun
diak.
Hau
kongratula planu governu, harii terminal pasajeiru iha Portu Dili nee diak,
bele fasilita, pasajeiru ba Oecusi no Atauro hein iha fatin kondisaun diak ho
seguru,’’dehan nia.
Responde
kona-ba orsamentu katak, Pedro, nia rasik seidauk hatene tanba orsamentu ba
planu harii Terminal Portu Dili, Parlamentu Nasional (PN) seidauk aprova. Maibe
dalaruma orsamentu husi parseiru ruma karik. Importante mak governu iha planu
no politika diak, bele harii terminal pasajeiru.
Nunee
mos Vise Prezidente Komisaun E Deputadu Manuel Castro hatete, governu planu
harii terminal pasajeiru iha Portu Dili, tanba Roo Feri neebe halo iha Portugal
besik hotu ona iha fulan Maiu nia laran. Nee duni, iha Fulan Setembru 2017 roo
nee too iha Timor-Leste (TL).
Tanba
nee mak antes roo nee too iha Timor presiza prepara kondisaun portu ho diak,
liu-liu Portu Dili tanba Portu Oecusi labele akomoda. Josefa dos Santos
Suara
Timor Lorosae
Sem comentários:
Enviar um comentário