sexta-feira, 14 de abril de 2017

Jokowi ho Xefe Estadu Nasaun Hitu Sei Marka Prejensa iha Toma Pose Lú-Olo

PARTILHAR
DILI, (TATOLI) – Prezidente eleitu, Francisco Guterres Lú-Olo hateten nia parte hamutuk ho Ministériu Negosiu Estrangeiru no Koperasaun distribui ona konvite ba Xefe Estadu nasaun ualu hodi partisipa serimonia tomada de pose loron 20 maiu.

Lú-Olo esplika Xefe Estadu nain ualu ne’e mak Prezidente Indonézia, Joko Widodo no governadór Austrália.

“Klaru Indonézia nian sei mai duni tanba tama ona iha lista konvite hanesan mós governadór Austrália”, Lú-Olo hatete ba jornalista sira iha Palásiu Prezidensiál Bairopite, tersa, (11/4) hafoin hasoru malu ho Prezidente Repúblika, Taur Matan Ruak.

Enkuantu Xefe Estadu nasaun neen seluk, Prezidente eleitu ne’e lakohi públika detalla. “Prinsípiu Xefe Estadu nain ualu maka sei mai, maibé ida ne’e depois maka fó sai”, katak.

Lú-Olo dehan orgullu ba Timor-Leste bainhira Sekretariu Jerál ONU, Antònio Guterres marka prezensa iha ninia seremonia tomada de pose ne’ebè sei hala’o iha Tasitolu. (Jornalista: Agapito dos Santos - Editora: Rita Almeida)

Foto: Prezidente eleitu, Francisco Guterres Lú-Olo bainhira hasoru malu ho Prezidente atuál, Taur Matan Ruak iha Palásiu Prezidensiál, tersa, (11/4). Foto Tatoli/António Goncalves

PARTILHAR

Author: verified_user

Publicação luso-timorense sem fins lucrativos

0 comentários: