DILI,
(TATOLI) – Laureadu Nobel da Paz, José Ramos Horta konsidera Korea
Norte ne’e matenek, buat ne’ebé nia halo hanesan teatru atu halo presaun ba
Amérika, Korea Sul no Japaun.
Perante
profisionál komunikasaun sosiál sira iha Hotel Novo Turizmu, Lecidere, kinta
(19/4), laureadu ne’e haktuir katak Xina importante tebes ba Korea Norte tan
viziñu.
Xina
hateten dalabarak ona ba Korea Norte, sei la permite Korea Norte dezenvolve tan
nukleár, sei la permite kontinua halo teste nukleár.
Korea
Norte presiza Xina, Korea Norte la fó atensaun ba Xina nia preokupasaun no
konsellu. Korea Norte bele izoladu liutan.
“Ne’e
duni, Papel konstrutivu importante Xina nian ajuda konflitu Korea Norte sei la
akontese”, akresenta.
Diplomata
senior timoroan ne’e mós akresenta tensaun ne’e sei la-akontese funu. “Ha’u la
fiar sei iha funu”, salienta.
Se
funu akontese karik tanba asidente ruma, tanba dalaruma sira ne’ebé kontrola
arma nuklear, buat ne’e elektróniku, buat ne’e bele asidente ruma, tiru sala
tiha, ida ne’e haksoit sai tiha bele akontese.
“Maibé
desizaun polítika mai husi Amérika, mai husi Korea Norte”, hakotu. (Jornalista:
Rafy Belo | Editora: Rita Almeida)
Sem comentários:
Enviar um comentário