quinta-feira, 20 de abril de 2017

Estimativa: Governador kristaun iha Jakarta lakon iha eleisaun sira

PARTILHAR
Musulmanu Anies Basdewan manán ona eleisaun sira ba governador Jakarta nian hodi halakon kandidatu kristaun Basuki Tjahaja Purnama, ne'ebé koñesidu ho naran Ahok, iha volta daruak loron-kuarta nian, haktuir hosi estimativu dahuluk sira hosi empreza sira sondajen nian. 

Basdewan karik hetan 56 to'o 57% hosi votu sira kontra 41 to'o 43% Ahok nian, bainhira sei konta 80% resin hosi votu sira no hosi final votasaun ida nian ne'ebé marka ho tensaun relijiozu maka'as iha nasaun musulmanu ho populasaun maka'as liu iha mundu.

Ahok sai hanesan governador kristaun daruak iha Jakarta dezde Indonézia deklara independénsia iha tinan 1945 no hanesan ida dahuluk hosi etnia xineza ne'ebé governa sidade ho populasaun hamutuk millaun 10, manán ona votasaun dahuluk hosi eleisaun sira ne'ebé halo iha 15 Fevereiru ho 43% hosi votu sira.

Ahok hetan ona akuzasaun hatete aat Islaun tanba deklarasaun ida ne'ebé nia halo iha fulan-Setembru nia rohan, ne'ebé klasifika hanesan sala interpretasaun katak ulaima balun (teólogu musulmanu sira) hosi versíkulu ida Alkoraun nian, ne'ebé hatete katak ema musulmanu ida bele hili de'it dirijente musulmanu ida.

Akuzasaun sira hasoru governador kristaun hanesan ezemplu ida intoleránsia relijiozu ne'ebé aumenta iha tinan hirak ikus ne'e iha Indonézia, ho aumentu maka's hosi atake sira hasoru minoria sira no influénsia maka'as hosi islamita radikal sira.

Rezultadu ofisial sira sei fó sai iha inísiu fulan-Maiu.

SAPO TL ho Lusa | Foto@ Bagus Indahono/EPA
PARTILHAR

Author: verified_user

Publicação luso-timorense sem fins lucrativos

0 comentários: