CNE Asegura Partisipasaun Sidadaun Prosesu Demokratiku

DILI – Organizasaun Naun Governamental Belun liu husi Atensaun no Responde Sedu (ATRES), husu ba Komisaun Nasional Eleisaun (CNE) atu asegura partisipasaun povu nian iha prosesu demokratiku.

Tuir Jestor Programa ATRES, Marilia da Costa hatete katak, durante eleisaun prezidensial dadus hatudu katak votante barak lahatene tempu votasaun no fatin votasaun, votantes balun lakohi halo tuir regra no deskonfia iregularidade.

Husu ba CNE atu asegura partisipasaun no direitu sidadaun nian iha prosesu demokratiku, inklui halo observasaun forte liu tan iha eleisaun parlamentar mai, partikularmente iha area rural,” dehan Jestor Programa ATRES, Marilia da Costa liu husi konferensia imprensa neebe halao iha edifisiu Belun, Farol-Dili, Kinta (06/04/2017).

Jestor Programa ATRES haktuir, bazeia ba rezultadu monitorizasaun Belun liu husi sistema ATRES ba insidente violensia eleitoral neebe akontese antes, durante no depois votasaun iha Eleisaun Prezidensial (Elpar) liu ba.

Iha fatin hanesan, Espesialista ba rezista Prevensaun Konflitu, Laurencios Lein dehan, iha eleisaun prezidensial mosu kazu barak nee tanba kauza husi provotasaun militante kandidatu sira nian. Raimundo S. Fraga

Suara Timor Lorosae