sexta-feira, 14 de abril de 2017

Administradór Munisípiu Díli diskrimina Atividade Organizasaun Lokal TL

PARTILHAR
Kordenadora Eskola Verde Leblora Maubisse la satisfáz ho Administradór Munisípiu Díli nia servisu, tanba halo diskriminasaun no  la fó fatin ba sira atu halo exposizaun aifunan iha largo lecidere, lia hirak ne’e hato’o ba jornalista radiu liberdade kuarta feira ne’e iha  edifísiu rádiu liberdade.

Responsável ne’e hateten tuir planu atu loke espozosaun ba datoluk  iha Largo Lecidere iha Sabadu 8/4/17 maibe Administradór Munisípiu Díli la fó lisensa ba organizasaun ne’e ho razaun katak atividade refere fó risku ba fatin Largo Lecidere.

“ami halo aprosimasaun ba administrador munisipiu Dili  senhor Gaspar Soares, hau hakerek karta  ofisialmente husu pedidu autorizasaun ba  Largo Lecidere maibé ami simu fali karta resposta ida katak lakohi fó fatin ho razaun katak ami nia atividade iha risku atu estraga Largo.”hateten responsável

Entretantu responsável eskola ne’e kestiona maka’as tanba saída mak la konsidera atividade komun Timoroan maibe fó oportunidade  liu ba ema estranjeiru hanesan aktividade Dili Internasional Jass festival ne’ebe tuir infórmasaun sei hala’o iha largo Licidere iha loron 30 fulan abril ne’e.

“maibe fó liu fatin ba malae sira ema internasionál sira atu utiliza se jardin karik nune’e duni loke ba públiku atu ema hotu bele hatene, tanba tuir ita-nia hatene ne’e jardin komunidade nian ema hotu bele asesu bele utiliza mais importante tenke utilize ho respansabilidade” haktuir haktuir fónte ne’e

Eskola Verde Leblora Maubise halo atividade festivál aifunan ne’e no tinan ida ne’e hakarak loke iha Dili hanaran expo Dili Verde husi maubise atu fó hanorin komunidade oinsa atu proteje ai-horis iha munisípiu Dili.

Ho nune’e jornalista Radio Liberdade esforsu  atu  halo konfirmasaun ba Administradór Munisípiu Díli maibe  Administradór la iha fatin tanba atividade seluk.

Radio Liberdade
PARTILHAR

Author: verified_user

Publicação luso-timorense sem fins lucrativos

0 comentários: