DILI,
(ANTIL) – Prezidenti Repúblika, Taur Matan Ruak agradese ba povu no
kandidatu na’in ualu tanba, sira nia sivizmu no sira nia komportamentu ne’ebé
di’ak durante kampaña eleisaun prezidensiál.
“Ohin
loron ita hotu vota ho konsiénsia ba kandidatu prezidenti na’in 8 ne’e ida
ne’ebé maka tau matan ba nasaun iha periodu ida tuir mai ne’e. Ha’u hein katak
buat hotu la’o di’ak nune’e rezultadu ne’e bele sai di’ak ba ita nia povu no
Nasaun”, Taur hato’o kestaun ne’e iha Eskola Báziku Metiaut, Postu
Administrativu Kristu Rei, Dili, Segunda ne’e, hafoin ezerse ninia direitu
votu.
Maske
nune’e, nia suspira bainhira jornaista husu kona-ba posibilidade primeira ronda
de’it ou segunda ronda. “Uluk ha’u nia tempu ne’e hakarak loos ba primeira
volta maibé akontese fali segunda volta. Tanba ne’e maka agora ne’e ha’u
kuidadu (hati-hati) loos”, nia informa.
Xefe
Estadu husu ba ema hotu atu simu rezultadu eleisaun. Tuir nia katak jogadór
ne’ebé di’ak no klubu ne’ebé profisionál, sei hatene manán no hatene lakon.
Katak, ida ne’ebé maka manán, ita hotu manán no Timor manán. (Jornalista: Xisto
Freitas - Editora: Rita Almeida)
Foto:
Prezidente Repúblika, Taur Matan Ruak ho ninia espoza, Isabel da Costa
Ferreira, ezerse direitu votu iha Eskola Báziku Metiaut, Dili. Foto ANTIL/Egas
Cristovâo.
Sem comentários:
Enviar um comentário