Oras
dahuluk sira votasaun nian iha eleisaun prezidensial sira iha Timor-Leste
hala'o ho tranparénsia, hakmatek no lahó problema sira, tuir ho avaliasaun
dahuluk sira hosi misaun observasaun Uniaun Europeia nian iha nasaun.
"Durante
votasaun halo tuir prosedimentu sira transparénsia nian, ema sira vota ona ho
hakmatek no iha jeral prosesu tomak la'o ho di'ak", afirma hosi eurodeputada
baska Izaskun Bilbao Barandica, ne'ebé lidera observador europeu sira, ba
jornalista sira.
"Iha
sentru sira urbanu ne'ebé boot, liuliu iha Díli, membru sira hosi meza sira
demora tempu balun hodi konsulta naran sira hosi eleitoral sira iha kadernu sira
no iha fila balun", nia hatutan.
Eurodeputada
ko'alia ba jornalista sira iha eskola báziku no. 9 iha Vila Verde, ne'ebé haree
impresaun dahuluk sira ne'ebé foti hosi ekipa oioin ne'ebé UE destaka iha
Timor-Leste.
"Garanti
ona segredu votasaun nian no ema sira vota ona lahó impedimentu ruma.
Avaliasaun jeral hanesan di'ak tebes kona-ba oinsá akontese prosesu
tomak", nia hatete.
Iha
fatin, iha ekipa hamutuk 15 ne'ebé kompostu hosi ema na'in 35 ne'ebé akompaña
votasaun iha munisípiu timoroan hamutuk 10. Entre eurodeputadu na'in hitu
ne'ebé iha rai laran iha portugeza na'in rua: Ana Gomes ho Marisa Matias.
Observador
sira ne'e, hamutuk mós ekipa ida hosi espesialista eleitoral sira na'in hitu,
halo parte hosi misaun ofisial observasaun hosi UE nian, lidera hosi Izaskun
Bilbao Barandica.
"Ha'u
hakarak felisita povu Timor-Leste tanba dalan pasífiku no hakmatek ne'ebé maka
akontese iha eleisaun sira loron-segunda nian. Abertura ba meza sira halo ho
materia sira hotu, ho dalan pontual no kumpri prosedimentu sira hotu",
afirma hosi Bilbao Barandica.
"Hanesan
prosedimentu ida transparente tanba observador sira no mós fiskal sira bele
halo sira nia knaar lahó impedimentu ruma", nia hatete.
Eurodeputada
felisita ona katak kumpri ona kritériu sira ba igualdade jéneru nian, "ho
50% hosi mane sira no 50% hosi feto sira iha kompozisaun hosi meza sira votu
nian".
Eleitor
rejistadu hamutuk rihun 740 resin, iha loron-segunda ne'e, hili ona Prezidente
foun nasaun nian entre kandidatu na'in ualu.
Urna
sira taka ona iha tuku tolu loraik.
SAPO
TL ho Lusa - Foto@ Mast Irham /EPA
Sem comentários:
Enviar um comentário