terça-feira, 14 de março de 2017

Taur La Preokupa, Kritika Lider Balun Iha Kampaina, Naran Seidauk Rezistu Iha Estatutu PLP

PARTILHAR
DILI - Prezidente Republika Taur Matan Ruak hatete nia parte la preokupa kritika sira neebe mai husi lider politiku balun, tamba tempu kampaina prezidensial tenki buka ideia no politiku atu hetan konfiansa husi povu.

Taur hatete Komportamentu eleitoral kada periode la hanesan tuir tempu, tamba nee kritika sira neebe mak lao hanesan opiniaun publiku tamba nee prezidente lakohi responde.

Tempu kampaina iha massa nia oin no hakarak buka votus kuandu laiha ona argumentu tenki hatun prezidente, nee prezidente la hirus ida, hau lakohi preokupa, halo hau kontente liu tan,” dehan Taur wainhira halo reflesaun hamutuk ho Jornalista sira Sesta (10/03/2017) iha salaun Xina Palasiu Prezidensial Nicolao Lobato.

Nia hatete kritika neebe mak halao liu husi kampaina eleitoral prezidente lapreokupa, no sente kontete ho kritika sira neebe mak halao tamba sira iha massa nia oin laiha ona argumentu tenki hatun malu nunee bele hetan votus.

Hatan kona ba Involvimentu iha partidu PLP, Taur hatete nia naran seidauk rezistu iha partidu PLP neebe rezistu iha tribunal, tamba nee lei mak vale liu kompara ho deklarasaun publiku. Nia hatete deputadu sira neebe mak mak iha parlamentu iha partidu no naran iha laos problema agora Taur Matan Ruak seidauk iha partidu problema tiha ona nee mak sai duvida boot.

Iha fatin ketak Deputadu bankada Fretilin Manuel Castro hatete prezensa PLP, partidu Fretilin laiha problema tamba uluk Xanana harii partidu hakarak kompete ho CNRT agora PLP mosu hakarak tan kompete laiha problema.

Nunee mos Diretur Luta Hamutuk Mericio Akara katak Prezidente Republika Taur Matan Ruak harii partidu Politiku laiha problema tamba nee nia direitu tomak tan nee importante liu mak respeitu malu hanesan lider sira seluk neebe mak iha partidu. Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: