sábado, 25 de março de 2017

Rede Sosiedade Sivil Nota Irregularidade Akontese Kampania Kandidatura 2017

DILI - Observador nasional husi Forum Organizasaun Naun Governamental (FONGTIL) liu husi Rede Sosiedade Sivil nota katak iha atividade kampania kandidatura prezidente republika tinan 2017 akontese iregularidade.

Tuir Membru FONGTIL, Laura Pina katak, objetivu husi enkontru nee atu halibur fila fali informasaun neebe mak durante nee membru ONG sira hetan iha atividade kampania.

Ami identifika iregularidade neebe mak akontese iha atividade kampania, mak involvimentu labarik sira iha kampania,” dehan Membru FONGTIL, Laura Pina ba jornalista hafoin remata enkontru iha salaun HAK, Farol-Dili, Sesta (24/03/2017).

Membru FONGTIL nee haktuir, involvimentu labarik sira nian iha atividade kampania nee, sai problema boot neebe ekipa observador sira hetan iha tereinu inklui mos kandidatura sira lakumpri orariu.

Laura salenta, kandidatura sira mos latuir oras, dalaruma kampania boot, sira liu oras, dala barak militantes no simpatizante sira kandidatura nian lauza helem halo motor lian makas. Laura tenik, objetivu haruka ba orgaun eleitoral atu bele koalia direitamente no aprezenta direitamente pontu sira, neebe sai hanesan preokupasaun husi observador nasional sira nian.

Iha fatin ketak, Vice Prezidente PN, Eduardo de Jesus Barreto esplika, observador nasional sira neebe mak durante nee fo sira nia observasaun ba atividade kampania kandidatura sira nian mos eleisaun presidensial nee importante tebes. Raimundo S. Fraga

Suara Timor Lorosae

Sem comentários: