quarta-feira, 8 de março de 2017

Lugu: Hau Sai Prezidente Sei Kria Gabinete Veteranus Iha Palasiu

DILI – Kinta jornada kampania kandidatu independente numeru sorteiu 5, Jose Luis Guterres “Lugu” iha munisipiu Covalima, postu administrativu Suai lao ho diak, maske halo deit ho maneira dialogu nomos door to door.

Iha atividade nee observa direita husi husi ofisial monitorizasaun husi Komisaun Nasional Eleisaun (CNE), PDHJ hetan seguransa maximu husi komandu PNTL munisipiu Covalima.

Tuir kandidatu independente numerun sorteiu 5, Jose Luis Guterres “Lugu” katak, lia nain no veteranus nee importante tebes iha tempu agora hodi kontinua fo kontribuisaun iha faze dezenvolviemntu nasional.

Povu hili hau, sei kria gabinete prezidente ida, sei iha lia nain sira ba iha palasiu neeba ajuda ukun no kaer ukun iha Timor,” dehan Kandidatu Independente Lugu liu husi dialogu ho veteranus Suai-Covalima, Tersa (07/03/2-17).

Kandidatu Independente nee haktuir, tanba ukun nee laos ema ida mesak nian maibe ukun nee presiza ema hotu ninia tulun, hakarak ukun tuir tradisaun tuir kultura ita nian. Kandidatu argumenta, hanesan kandidatu independente kumpri nafatin hanoin katuas Xavier hadomi kultura no hametin kultura neebe metin no hakarak povu Timor Leste nee politiku no mos kultura.

Iha fatin hanesan, Prezidente Instituto Veteranus Timor Leste, Antonio Aitahan Matak esplika, kandidatu independente hanesan Jose Luis Guterres nee ema ida neebe matenek. Raimundo S. Fraga

Suara Timor Lorosae

Sem comentários: