terça-feira, 14 de março de 2017

Lú-Olo Sei Hahú Hikas Tranzisaun Lideransa

PARTILHAR

BAUCAU - Sekretáriu Jerál Partidu FRETILIN, Dr. Marí Alkatiri hateten katak bainhira Kandidatu Prezidenti Repúblika, Dr. Francisco Guterres Lú-Olo eleitu ba Prezidenti Repúblika, sei halibur fali líder nasionál sira atu hahú fali prosesu tranzisaun lideransa.

“Laiha dalan seluk ba ami. Ami sira ne´e tenki hamutuk hodi  prepara kondisoens ba jerasaun foun bainhira sai governu, parlamentu, atu lori rai ida ne´e ba oin tuir valores luta libertasaun ninian,” Marí hato´o ninia argumentu ne´e liuhusi kampaña kandidatu Lú-Olo iha Aeruportu Baucau, Domingu (12/3/17).

Tuir nia katak Lú-Olo sei ba halo ida ne´e (halibuar líder sira) no sei ba buka nia belun sira iha luta armada atu túr hamutuk. Marí hatutan, ita presiza duni jerasaun 74-75 hanesan Xanana, Ramos Horta, Mauhuno no nia rasik no mós jerasaun 84 ba leten hanesan Lú-Olo, Taur Matan Ruak, Lere no sira seluk ne´e tenki hamutuk.

Eis Primeiru Ministru ne´e haktuir katak inkontru Maubisse I no Maubisse II la konsege hakotu desizaun ruma kona-ba tranzisaun lideransa tanba iha momentu ne´ebá ida-idak tendénsia defende ida-idak nia partidu, nune´e inkontru ne´e la to´o ba nia rohan. (ekipa kobertura)

Matadalan
PARTILHAR

Author: verified_user

Publicação luso-timorense sem fins lucrativos

0 comentários: