segunda-feira, 20 de março de 2017

Konfiansa Hosi Estadu ne’e Importante

PARTILHAR
DILI, (ANTIL) – Komandante Jerál, Polísia Nasionál Timor-Leste (PNTL), Júlio Hornay husu ba membru sira ne’ebé fó seguransa ba eleisaun prezidensiál atu toma responsabilidade ho másimu, nune’e manan nafatin konfiansa hosi Estadu.

“Husu atu toma responsabilidade ba misaun ne’ebé ita boot sira atu hala’o, ita sakrifika ita nia-án atu manan konfiansa nafatin husi Estadu, governu no ba mundu,  ita PNTL mos bele”, ulun boot PNTL ne’e apela iha seremonia despedida membru PNTL iha kuartel jerál, Sesta (17/3).

Atu asegura seguransa ba eleisaun, PNTL tenke mantein disiplina hodi garante seguransa. Membru ne’ebé mak hala’o kna’ar hodi fó seguransa ba eleisaun sei ezerse direitu votu iha sentru votasaun ne’ebé mak sira kolokadu ba.

Bainhira membru ida atu tama iha estasaun bandu tebes atu utiliza arma bainhira vota. Husu mos atu membru sira ne’ebé mak kolokadu labele abandona servisu, tanba ne’e husu atu komandante tau matan ba membru sira.

Membru sira ne’ebé lori kareta aluga, labele uza tuir hakarak. Maibé, to’o munisípiu kareta aluga sira sei responsabiliza hosi komandante munisípiu.

Membru sira ne’ebé mak atu apoia servisu seguransa iha munisípiu kompostu hosi unidade tolu ho tipu konjunta ho membru atus ida resin.

Apoiu ne’ebé komandu jerál oferese ba membru sira mak aluga kareta 40, orsamentu ba alimentasaun durante loron haat nia laran. (Jornalista: Manuel Pinto - Editora: Rita Almeida)

Foto: Komandante PNTL, Julio Hornay ho Xefe Estadu Maior F-FDTL, Lere Anan Timur. Foto midia MI
PARTILHAR

Author: verified_user

Publicação luso-timorense sem fins lucrativos

0 comentários: