segunda-feira, 20 de março de 2017

Eletrisidade Mate iha Kontajen Votu

PARTILHAR
LAUTEM, (ANTIL) – Eleteisidade pertense suku Bauro, sentru votasaun aldeia Iralafai no Somocho mate hafoin kontajen.

Xefe Suku Bauro, Sidalio Freitas hatete, normalmente eletrisidade la-mate. “Sentre triste ahi mate iha prosesu kontejen, fiar katak to’o kalan ahi bele moris fila fali”, katak nia ba ANTIL iha sentru votasun aldeia Iralafai.

Nia husu ba autoridade eletrika fó atensaun ba funsionamentu tanba bele fó impaktu ba kontajen.

Iha fatin hanesan Polísia Komunitáriu suku Bauro, Elisio Dias Quintas hateten, operadór komesa la’o maibé hein rezultadu, se la’e bele fó impaktu ba prosesu tanba festa ne’e importante ba Nasaun.

“Ha’u kontaktu ona autoridade eletrika maibé espera katak sei hadi’a lalais hodi bele fasilita prosesu demokratizasaun”, autoridade seguransa ne’e katak.

Eskola Sabalae Fasilita Sentru Votasaun

Entretantu, eskola Queri Laran “Sabalae” fasilita sentru votasaun suku Bauro ba eleisaun prezidensiál.

Profesór ba eskola ne’e, Hermenegildo Moreira, hateten, eskola ne’e sai sentru ba aldeia hotu iha suku Bauro. Tanba ne’e, hosi Sekretariadu Téknika Administrasaun Eleitorál (STAE) husu fasilta fatin ne’e sai sentru votasaun.

Eskola Sabale fasilita sala ida ba STAE atu estabelese sentru votasaun, nune’e sai sentru ba eleitór hotu atu partisipa no determina kandidatu sira ba Xefe Estadu.

“Ami sempre fasilita kualker programa Estadu nian ne’ebé sai interese Nasaun nian iha kualker momentu”, haktuir.

Eskola Sabalae no naran Sabalae koñesidu iha Nasaun hanesan lider istóriku ba libertasaun nasaun iha ámbitu okupasaun Indonézia.

Suku Bauro ho aldeia lima mak Iralafai, Luarai, Bauro, Sepelata no Somocho. (Jornalista: Zezito Silva - Editora: Rita Almeida)

Foto: Prosesu kontajen votu iha sentru votasaun Bauro. Foto ANTIL/Zezito da Silva
PARTILHAR

Author: verified_user

Publicação luso-timorense sem fins lucrativos

0 comentários: